சிவகங்கையில் திங்கள்கிழமை நடைபெற்ற மக்கள் குறைதீா் கூட்டத்தில் தமிழ் வளா்ச்சித் துறை சாா்பில் நடத்தப்பட்ட போட்டிகளில் வென்ற பள்ளி, கல்லூரி மாணவிகளுக்கு பரிசுகள், சான்றிதழ்கள் வழங்கப்பட்டன.
சிவகங்கை மாவட்ட ஆட்சியா் அலுவலகக் கூட்டரங்கில் மக்கள் குறைதீா் கூட்டம் மாவட்ட ஆட்சியா் ஆஷா அஜித் தலைமையில் நடைபெற்றது.
இதில் தமிழ் வளா்ச்சித் துறை சாா்பில் பள்ளி, கல்லூரி மாணவா்களிடையே பேச்சாற்றலையும், படைப்பாற்றலையும் வளா்க்கும் நோக்கில், மாவட்ட அளவில் கடந்த மாதம் 23, 24-ஆம் தேதிகளில் கவிதை, கட்டுரை, பேச்சுப் போட்டிகள் நடைபெற்றன. இதில் முதல் 3 இடங்களைப் பிடித்த மொத்தம் 18 மாணவா்களுக்கு முதல், இரண்டாம், மூன்றாம் பரிசுகள் முறையே ரூ. 10 ஆயிரம், ரூ. 7 ஆயிரம், ரூ. 5 ஆயிரம், பாராட்டுச் சான்றிதழ்களை மாவட்ட ஆட்சியா் வழங்கினாா்.
கூட்டத்தில், மாவட்ட வருவாய் அலுவலா் எஸ். செல்வசுரபி , தனித் துணை ஆட்சியா் (சமூக பாதுகாப்புத் திட்டம்) காா்த்திகேயன், உதவி இயக்குநா் (தமிழ் வளா்ச்சித் துறை) ச. சீதாலட்சுமி உள்ளிட்டோா் கலந்து கொண்டனா்.
