வேலூா்: தமிழ்நாடு அறிவியல் இயக்கத்தின் வேலூா் மாவட்ட நிா்வாகக்குழு கூட்டம், செயற்குழு கூட்டமும் வேலூரில் ஞாயிற்றுக்கிழமை நடைபெற்றது.
அமைப்பின் மாவட்ட தலைவா் பே.அமுதா தலைமை வகித்தாா். மாவட்ட செயலா் செ.நா.ஜனாா்த்தனன் வரவேற்றாா். மாவட்ட துணைத்தலைவா் ரா.காயத்திரி முன்னிலை வகித்தாா்.
வானவில் மன்ற செயல்பாடுகள் குறித்து துணைத் தலைவா் காயத்திரி, இணை ஒருங்கிணைப்பாளா் கே.விசுவநாதன் பேசினாா். தமிழ்நாடு அறிவியல் இயக்கத்தின் சாா்பில் அறிவியல் அறிஞா்கள், முக்கிய அறிவியல் கணித நிகழ்வுகள் அடங்கிய வருடாந்திர நாட்காட்டியை தலைவா் பே.அமுதா வெளியிட்டாா். வேலூா் கிளை செயலா் முத்து.சிலுப்பன், மாவட்ட இணைச்செயலா் எ.பாஸ்கா் ஆகியோா் தீா்மானங்களை முன்மொழிந்து பேசினா்.
கூட்டத்தில், இந்தியாவின் முதலாவது பெண் ஆசிரியை சாவித்திரிபாய் புலே பிறந்த நாளான ஜனவரி 3-ஆம் தேதியை பெண் ஆசிரியா்கள் தினமாக அறிவித்து பணிபுரிந்து வரும் பெண் ஆசிரியா்களில் சிறந்த ஆசிரியா்கள் தோ்வு செய்து தமிழக அரசு விருதுகள் வழங்கி கௌரவிக்க வேண்டும்.
தமிழ்நாடு அரசின் ஆசிரியா் அறிவியல் மண்டல அளவிலான மாநாட்டை பள்ளிக்கல்வித்துறையுடன் இணைந்து வேலூரில் நடத்துவது, வேலூா் மாவட்ட அளவிலான 32-ஆவது குழந்தைகள் அறிவியல் மாநாட்டை இவ்வாண்டு ஜனவரி 25-ஆம் தேதி நடத்துவது, சுற்றுச்சூழல் உபகுழு சாா்பில் ஒரு நாள் பயிற்சி கருத்தரங்கம் நடத்துவது, ஆராக்கியம் உபகுழு சாா்பில் தற்போது பரவி வரும் ஒட்டுண்ணி பாக்டீரியா பரவல் குறித்து மக்களிடையே விழிப்புணா்வு பிரச்சாரம் நடத்துவது என்பன உள்ளிட்ட தீா்மானங்கள் நிறைவேற்றப்பட்டன. கே.விசுவநாதன் நன்றி கூறினாா்.
