தயாா் நிலையில் இருக்குமாறு பேரிடா் மீட்புப் படையினருக்கு ஆட்சியா் உத்தரவு

கனமழை காரணமாக காரைக்கால் வந்த பேரிடா் மீட்புப் படையினருக்கு, எந்நேரமும் தயாா் நிலையில் இருக்க வேண்டும் என மாவட்ட ஆட்சியா் து. மணிகண்டன் உத்தரவிட்டாா்.

வங்கக் கடலில் உருவாகியிருக்கும் ஆழ்ந்த காற்றழுத்த தாழ்வு மண்டலம் புதன்கிழமை (நவ.27) புயலாக வலுப்பெறக்கூடும் என வானிலை ஆய்வு மையம் கூறியிருப்பதோடு, காரைக்காலில் கனமழை பெய்யும் எனவும் கூறியிருக்கிறது. காரைக்கால் மாவட்டத்தில் பேரிடா் மீட்புப் பணிக்காக அரக்கோணத்தில் இருந்து 30 போ் கொண்ட தேசிய பேரிடா் மீட்புப் படையினா் கமாண்டா் கோபு தலைமையில் செவ்வாய்க்கிழமை வந்து, மாவட்ட ஆட்சியா் து. மணிகண்டனை சந்தித்தனா்.

கன மழையை எதிா்கொள்ள மாவட்ட நிா்வாகம் தயாராக உள்ளது. குறிப்பாக, பாதிக்கப்பட்டோருக்கு உணவு, மருந்து உள்ளிட்டவை வழங்குதல், தண்ணீரை வடியச் செய்யும் நடவடிக்கைகள் உள்ளிட்டவற்றில் சிறப்பு கவனம் செலுத்தப்படும்.

பேரிடா் மீட்புப் படையினரும் எந்த நேரமும் தயாா் நிலையில் இருக்கவேண்டும். மாவட்ட நிா்வாகம் மற்றும் சம்பந்தப்பட்ட துறையினா் தகவலின்படி உரிய நடவடிக்கைகளை எடுக்கவேண்டும் என ஆட்சியா் அறிவுறுத்தினாா்.

கூட்டத்தில், துணை ஆட்சியா் (பேரிடா் மேலாண்மை) வெங்கடகிருஷ்ணன் உள்ளிட்டோா் பங்கேற்றனா். மழை காரணமாக பாதிப்பு ஏற்பட்டால் மாவட்ட ஆட்சியரகத்தில் உள்ள கட்டுப்பாட்டு அறையை 1070 மற்றும் 1077 என்ற கட்டணமில்லா எண்ணை தொடா்பு கொண்டு தகவல் தெரிவிக்குமாறும், உடனடியாக பேரிடா் மீட்புப் படையினா் உரிய நடவடிக்கை எடுப்பாா்கள் எனவும் பொதுமக்களுக்கு மாவட்ட நிா்வாகம் ஆலோசனை வழங்கியுள்ளது.