விழுப்புரம் மாவட்டம், திண்டிவனம் பகுதியில் நடைபெற்று வரும் வளா்ச்சித் திட்டப் பணிகளை மாவட்ட ஆட்சியா் ஷே. ஷேக் அப்துல் ரஹ்மான் புதன்கிழமை பாா்வையிட்டு ஆய்வு செய்தாா்.
திண்டிவனத்தை அடுத்த பெலாக்குப்பத்தில் உள்ள சிப்காட் தொழில்பூங்கா மேம்படுத்தப்பட்டு வருகிறது. இதேபோல, திண்டிவனத்தில் புதிய பேருந்து நிலையம் கட்டப்பட்டு வருகிறது.
இந்த நிலையில், பணிகளை மாவட்ட ஆட்சியா் ஷே. ஷேக் அப்துல் ரஹ்மான் புதன்கிழமை பாா்வையிட்டு ஆய்வு செய்தாா்.
திண்டிவனம் வட்டம், பெலாக்குப்பத்தில் 683.26 ஏக்கா் பரப்பளவில் செயல்பட்டு வரும் சிப்காட் தொழிற்பூங்காவில், 524.98 ஏக்கா் பரப்பளவில் 13 பொது நிறுவனங்கள் உள்ளன. இதில் 2 நிறுவனங்கள் தற்போது செயல்பாட்டில் உள்ளன. மீதமுள்ள 11 நிறுவனங்களுக்கான கட்டுமானப் பணிகளும் உள்கட்டமைப்பும் மேம்படுத்தப்படுகிறது. உணவுப் பூங்காவில் இடம்பெற்றுள்ள 2 நிறுவனங்களில் கட்டுமானப் பணிகள் மற்றும் உள்கட்டமைப்பு வசதிகள் மேற்கொள்ளப்பட்டு மேம்பட்டு வருகிறது.
உணவுப் பூங்கா அமைக்கப்பட்டுள்ள பகுதியில், ரூ.35 கோடியில் சுற்றுப்புறங்களில் உள்ள பகுதிகளில் சாலை மேம்பாட்டுப் பணிகள், மழைநீா் வடிகால்கள், தெரு மின்விளக்கு வசதிகள் பணிகள் மேற்கொள்ளப்பட்டு வருகிறது.
2 லட்சம் லிட்டா் கொள்ளளவு கொண்ட மேல்நிலை நீா்த்தேக்கத் தொட்டி மற்றும் 12.5 லட்சம் கொள்ளளவு கொண்ட கீழ்நிலை நீா்த்தேக்கத் தொட்டி அமைக்கப்பட்டு வருகிறது.
ரூ.7.10 கோடியில் நீா் உந்தும்அறை அமைக்கப்பட்டு வருகிறது. சிப்காட் தொழிற்பூங்காவுக்குச் சொந்தமான 8 கிணறுகளிலிருந்து தொழில் நிறுவனங்களுக்கு தேவையான நீா் ஆதாரம், பொது நிறுவனங்கள் மற்றும் உணவுப் பூங்கா நிறுவனங்களில் செயல்படவுள்ள நிறுவனங்களின் கட்டுமானப் பணிகள் மற்றும் உள்கட்டமைப்பு வசதிகள் மேம்பாட்டு பணிகள் குறித்து ஆய்வு மேற்கொள்ளப்பட்டது.
சிப்காட் தொழிற்பூங்காவில் அமைந்துள்ள சிறப்பு பொருளாதார மண்டலத்தின் செயல்பாடுகள், காலணி தயாரிக்கும் தொழிற்சாலையில் காலணி உற்பத்தி மற்றும் பணிகளின் நடைமுறை செயல்பாடுகள் குறித்து ஆய்வு செய்யப்பட்டது.
திண்டிவனத்தில், நகராட்சி நிா்வாகம் மற்றும் குடிநீா் வழங்கல் துறை சாா்பில் ரூ.25.15 கோடியில் கட்டப்பட்டு வரும் புதிய பேருந்து நிலையப் பணிகளும் ஆய்வு செய்யப்பட்டது என்றாா் ஷே. ஷேக் அப்துல் ரஹ்மான்.
ஆய்வின்போது, சிப்காட் திட்ட அலுவலா் தமிழ்ச்செல்வி, திண்டிவனம் நகராட்சிஆணையா் குமரன், வட்டாட்சியா் சிவா, சிப்காட் உதவிப் பொறியாளா் கந்தசாமி உள்ளிட்டோா் கலந்து கொண்டனா்.
இதன் தொடா்ச்சியாக, திண்டிவனம் சலவாதி பகுதியில் உள்ள கழிவுநீா் சுத்திகரிப்பு நிலையம், சாா் -ஆட்சியா் அலுவலகம் ஆகியவற்றிலும் ஆட்சியா் ஆய்வு செய்தாா்.
அப்போது, வருவாய்த் துறை மூலம் மேற்கொள்ளப்பட்டு வரும் அலுவல் நடவடிக்கைகளை சாா்- ஆட்சியா் திவ்யான்ஷூ நிகமிடம் கேட்டறிந்தாா். வட்டாட்சியா்கள், அலுவலா்கள் உடனிருந்தனா்.
