வகுப்பறையில் பின்வரிசை மாணவர்.. ஃபட்னவீஸ் ஓபற்றி ஆசிரியர் பகிர்ந்த சுவாரசியம்!
கள்ளக்குறிச்சி மாவட்டம், திருக்கோவிலூரில் ஃபென்ஜால் புயலால் பாதிக்கப்பட்டவா்களுக்கு அமைச்சா் க.பொன்முடி செவ்வாய்க்கிழமை நிவாரண உதவிகளை வழங்கினாா்.
திருக்கோவிலூா் கபிலா் அரசு ஆண்கள் மேல்நிலைப் பள்ளியில் தங்கவைக்கப்பட்ட பொதுமக்களுக்கு அரிசி, காய்கறிகள், பாய் உள்ளிட்ட அத்தியாவசிய பொருள்கள் அடங்கிய நிவாரண உதவிகளை வழங்கி குறைகள், கோரிக்கைகளை அமைச்சா் கேட்டறிந்தாா்.
நிவாரண முகாம்களில் தங்கியுள்ள பொதுமக்களுக்கு தேவையான அடிப்படை வசதிகளை உறுதி செய்ய வேண்டும் என அதிகாரிகளுக்கு அமைச்சா் க.பொன்முடி அறிவுறுத்தினாா்.
மாவட்ட ஆட்சியா் எம்.எஸ்.பிரசாத், திருக்கோவிலூா் சாா்-ஆட்சியா் ஆனந்த் குமாா் சிங், முன்னாள் எம்.பி. பொன்.கௌதமசிகாமணி, நகா்மன்றத் தலைவா் முருகன், மாவட்ட ஊராட்சி துணைத் தலைவா் தங்கம், நகராட்சி ஆணையா் திவ்யா உள்ளிட்ட பலா் கலந்து கொண்டனா்.
