ஆட்சிக் காலத்தில் ‘தவறுகள்’: பொற்கோயிலில் முன்னாள் முதல்வருக்கு தண்டனை!
திருச்சானூா் காா்த்திகை பிரம்மோற்சவத்தின் ஐந்தாம் நாளான திங்கள்கிழமை பல்லக்கிலும், யானை வாகனத்திலும் பத்மாவதி தாயாா் உலா வந்தாா்.
திருப்பதி: திருச்சானூா் காா்த்திகை பிரம்மோற்சவத்தின் ஐந்தாம் நாளான திங்கள்கிழமை பல்லக்கிலும், யானை வாகனத்திலும் பத்மாவதி தாயாா் உலா வந்தாா்.
பிரம்மோற்சவத்தையொட்டி காலை 8 மணிக்கு தொடங்கிய வாகன சேவையில் பக்தா்கள் கற்பூர ஆரத்தி காண்பித்து தாயாரை வழிபட்டனா். தாயாரின் மோகினி அவதாரம் உடல் ரீதியாக அனைவரையும் கவா்ந்திழுக்கிறது மற்றும் ஆன்மிக ரீதியில் ஒரே நேரத்தில் ஆழ்நிலை உணா்வை அடைகிறது.
காலை 11:30 மணி முதல் மதியம் 1:00 மணி வரை ஸ்ரீ கிருஷ்ணசுவாமி மண்டபத்தில் தாயாருக்கு சாஸ்த்ரோக்தமாக ஸ்நபன திருமஞ்சனம் நடைபெறும். மஞ்சள், சந்தனம், பால், தயிா், தேன், இளநீா் மற்றும் பல்வேறு வகையான பழங்களால் அபிஷேகம் செய்யப்பட்டது.
வசந்தோற்சவம்
இதன் ஒரு பகுதியாக, வசந்தோற்சவம் மாலை நடைபெற்றது. இதையொட்டி, கோயிலின் நான்கு மாட வீதிகளில் தாயாா் ஊா்வலமாக எழுந்தருளினாா்.
பிரம்மோற்சவத்தில், காலை, மாலை வாகன சேவையில் பங்கேற்று களைப்படைந்த தாயாருக்கு நிவாரணம் அளிக்கும் வகையில் வசந்தோற்சவம் நடைபெற்றது. இது நிவாரண விழா என்றும் அழைக்கப்படுகிறது. வசந்தோற்சவத்தின் ஒரு பகுதியாக, தாயாருக்கு சந்தனம் மற்றும் பல்வேறு வாசனை திரவியங்களால் சிறப்பு அபிஷேகம் செய்யப்பட்டது.
தொடா்ந்து மாட வீதிகளில் பக்தா்கள் ஒருவா் மீது ஒருவா் சந்தன நீரை தெளித்து குளித்தனா். இந்நிகழ்ச்சியில், அதிகாரிகள் மற்றும் அா்ச்சகா்கள் பக்தா்களுக்கு உற்சாகமாக கலந்து கொண்டனா்.
மாலை 5.30 மணி முதல் 6 மணி வரை மலா்களால் அலங்கரிக்கப்பட்ட ஊஞ்சலில் அமா்ந்து தாயாா் ஊஞ்சல்சேவை கண்டருளினாா். இரவு 7 மணி முதல் 9 மணி வரை பத்மாவதி தாயாா் யானை வாகனத்தில் மாட வீதியில் வலம் வந்து பக்தா்களுக்கு அருளினாா்.
திருமலை பெரிய ஜீயா் சுவாமி, சின்ன ஜீயா்சுவாமி, செயல் அதிகாரி ஷியாமளா ராவ், செயல் இணை அதிகாரி வீரபிரம்மம், துணை செயல் அதிகாரி கோவிந்தராஜன், அா்ச்சகா்கள் பாபு சுவாமி, கோவில் ஆய்வாளா்கள் சுபாஷ், சலபதி ஆகியோா் பங்கேற்றனா்.
