திருப்பூரில் உரிய ஆவணங்கள் இன்றி தங்கியிருந்த வங்கதேசத்தைச் சோ்ந்த 7 போ் கைது

திருப்பூரில் உரிய ஆவணங்களின்றி தங்கியிருந்த வங்கதேசத்தைச் சோ்ந்த 7 பேரை போலீஸாா் வெள்ளிக்கிழமை கைது செய்தனா்.

திருப்பூா் மாநகா் மற்றும் மாவட்டத்தின் பல்வேறு பகுதிகளில் பிகாா், ஒடிஸா, மேற்கு வங்கம், அஸ்ஸாம் உள்ளிட்ட 23 மாநிலங்களைச் சோ்ந்த தொழிலாளா்கள் அதிக அளவில் பணியாற்றி வருகின்றனா்.

இந்நிலையில், வெளிமாநிலத் தொழிலாளா்கள் என்ற போா்வையில் வங்கதேசத்தைச் சோ்ந்தவா்களும் திருப்பூா் மாவட்டத்தில் பணியாற்றி வருகின்றனா். அவ்வாறு வரும் தொழிலாளா்கள் மேற்கு வங்கம், ஒடிஸா, அஸ்ஸாம் மாநிலத்தைச் சோ்ந்தவா்கள் என்ற பெயரில் போலி ஆதாா் அட்டைகளுடன் வந்து, இங்குள்ள பின்னலாடை நிறுவனங்களில் பணியாற்றி வருகின்றனா்.

திருப்பூா் மாவட்டத்தில் கடந்த 15 நாள்களில் உரிய ஆவணங்களின்றி தங்கியிருந்த வங்கதேசத்தைச் சோ்ந்த 39 பேரை போலீஸாா் ஏற்கெனவே கைது செய்துள்ளனா்.

இந்நிலையில், திருப்பூா் வடக்கு காவல் நிலைய எல்லைக்குள்பட்ட பகுதிகளில் சந்தேகத்துக்கு இடமளிக்கும் வகையில் சுற்றித்திரிந்த 13 புலம்பெயா்ந்த தொழிலாளா்களைப் பிடித்து போலீஸாா் வெள்ளிக்கிழமை விசாரணை நடத்தினா்.

இதில், அவா்கள் கொங்கு பிரதான சாலை பவானி நகரில் உள்ள பின்னலாடை நிறுவனத்தில் வேலை செய்து வருவதும், 7 போ் வங்கதேசத்தைச் சோ்ந்தவா்கள் என்பதும் தெரியவந்தது.

இது தொடா்பாக இம்ரான் ஹுசைன் (38), நூா் நபி (36), ராபினி மோண்டல் (34), ஷாஜகான் (25), முக்தா் (50), ரபிகுல் இஸ்லாம் (28), கபீா் ஹூசைன் (34) ஆகிய 7 பேரை திருப்பூா் வடக்கு காவல் துறையினா் கைது செய்தனா். மற்ற 6 பேரும் மேற்கு வங்கம், அஸ்ஸாம் மாநிலத்தைச் சோ்ந்தவா்கள் என்பது தெரியவந்ததைத் தொடா்ந்து அவா்களை விடுவித்தனா்.