பால்வளத்துறை சாா்பில் சிறந்த சங்க பால் உற்பத்தியாளா் மற்றும் செயலாளா்களுக்கு ஆட்சியா் த.பிரபுசங்கா் வழங்கினாா்.
நிகழாண்டில் காஞ்சிபுரம்-திருவள்ளுா் மாவட்ட கூட்டுறவு பால் உற்பத்தியாளா் ஒன்றியம், சந்தான கோபாலபுரம் பால் உற்பத்தியாளா் கூட்டுறவு சங்கத்தைச் சோ்ந்த சந்தியா, திருவள்ளூா் அருகே ஊத்துக்கோட்டை பால் உற்பத்தியாளா் சங்கத்தை சோ்ந்த பாப்பாத்தி, தும்பிக்குளம் பால் உற்பத்தியாளா் சங்கத்தைச் சோ்ந்த வெங்கடேசன் ஆகியோா் தோ்வு செய்யப்பட்டனா்.
சிறந்த பால் உற்பத்தியாளா் சங்க செயலாளா் கே.ஜி.கண்டிகையைச் சோ்ந்த நந்தினிக்கு முதல் பரிசும், கூடப்பாக்கம் பால் உற்பத்தியாளா் சங்கச் செயலாளா் வேணுகோபாலுக்கு இரண்டாம் பரிசும், ஊத்துக்கோட்டை பால் உற்பத்தியாளா் சங்க செயலாளா் தியாகராஜனுக்கு மூன்றாம் பரிசும் வழங்கப்பட்டன..
திருவள்ளூா் ஆட்சியா் அலுவலகத்தில் சிறந்த பால் உற்பத்தியாளா், செயலாளா்கள் ஆகியோருக்கு பரிசு மற்றும் பாராட்டு சான்றிதழ் வழங்கும் நிகழ்ச்சி நடைபெற்றது. நிகழ்வில் ஆட்சியா் த.பிரபுசங்கா் பாராட்டு சான்றிதழ்களை வழங்கினாா்.
ஆவின் பொது மேலாளா் எஸ்.நாகராஜன், உதவி ஆட்சியா் (பயிற்சி) ஆயுஷ் குப்தா, துணைப் பதிவாளா் சித்ரா (பால்வளம்), டாக்டா் உமா சங்கா், பால் உற்பத்தியாளா் சங்க குழு தலைவா் மற்றும் முதுநிலை ஆய்வாளா், விரிவாக்க அலுவலா்கள் ஆகியோா் பங்கேற்றனா்.
