சபரிமலையில் சுவாமி ஐயப்பனுக்கு தங்க அங்கி சாத்தி சிறப்பு பூஜை!
திருத்தணி அருகே அடையாளம் தெரியாத வாகனம் மோதியதில் பெயிண்டா் உயிரிழந்தாா்.
திருவாலங்காடு ஒன்றியம், நெமிலி கிராமத்தைச் சோ்ந்தவா் ஆறுமுகம் (52). பெயிண்டா். திங்கள்கிழமை காலை திருத்தணி அருகே உள்ள வள்ளியம்மபுரம் பகுதியில் வேலைக்குச் சென்றாா். மாலை வேலை முடிந்ததும் வீட்டுக்கு செல்வதற்காக பேருந்து நிலையத்தை நோக்கி நடந்து வந்து கொண்டிருந்தாா்.
அப்போது, புதிய புறவழிச் சாலை அருகே வந்தபோது, எதிா் திசையில் வந்த அடையாளம் தெரியாத வாகனம் மோதியதில் ஆறுமுகம் சாலையில் தூக்கி வீசப்பட்டு தலையில் பலத்த காயமடைந்தாா். அப்போது, அவ்வழியாகச் சென்ற வாகன ஓட்டிகள் அவரை மீட்டு, திருத்தணி அரசு மருத்துவனைக்கு 108 ஆம்புலன்ஸ் மூலம் அனுப்பி வைத்தனா். அங்கு முதலுதவி சிகிச்சை அளிக்கப்பட்டு, மேல் சிகிச்சைக்காக திருவள்ளூா் அரசு மருத்துவமனைக்கு அனுப்பி வைக்கப்பட்டாா். அங்கு ஆறுமுகம் செவ்வாய்க்கிழமை உயிரிழந்தாா்.
இது குறித்து திருத்தணி போலீஸாா் வழக்குப் பதிந்து விசாரணை நடத்தி வருகின்றனா்.
