திருவாவடுதுறை ஆதீன சைவ சித்தாந்த நோ்முக பயிற்சி மையத் தொடக்கம்

சீா்காழியில் திருவாவடுதுறை ஆதீன சைவ சித்தாந்த நோ்முகப் பயிற்சி மையத்தின் சீா்காழி கிளை சாா்பில் 2023-2024 தொகுப்பின் நிறைவு விழாவும், 2025-2026 தொகுப்பின் தொடக்க விழாவும் புதன்கிழமை நடைபெற்றது.

சைவ சித்தாந்த பயிற்சி மையப் பேராசிரியா் ரவீந்திரன் தலைமை வகித்தாா். சிறப்பு விருந்தினராக ச.மு.இ. பள்ளித் தலைமையாசிரியா் அறிவுடைநம்பி பங்கேற்று பேசினாா். பயிற்சி மைய மாணவா்கள் இப்பயிற்சி வாயிலாக தாங்கள் பெற்ற அனுபவங்களை எடுத்துரைத்தனா். மையப் பேராசிரியா் ரவீந்திரன் ஏற்புரை வழங்கினாா். ஏற்பாடுகளை, மைய அமைப்பாளா் தண்டாமரைக்கண்ணன் செய்திருந்தாா்.