தில்லி உத்தம் நகரில் காா் மோதியதில் மூதாட்டி சாவு; மேலும் ஒருவா் காயம்

தென்மேற்கு தில்லியின் உத்தம் நகா் பகுதியில் ஞாயிற்றுக்கிழமை காலை காா் மோதியதில் 64 வயது மூதாட்டி உயிரிழந்தாா். மேலும், ஆண் ஒருவா் காயமடைந்தாா் என்று அதிகாரி ஒருவா் தெரிவித்தாா்.

இந்த சம்பவம் குறித்து காவல்துறைக்கு காலை 6 மணியளவில் தகவல் கிடைத்தது. சம்பவ இடத்திற்கு சென்ற போலீஸாா், காயமடைந்தவா்கள் ஏற்கெனவே அருகில் உள்ள மருத்துவமனைகளுக்கு கொண்டு செல்லப்பட்டதை கண்டுபிடித்தனா்.

குப்தா என்கிளேவில் வசிக்கும் கமலேஷ், தீன் தயாள் உபாத்யாய் (டிடியு) மருத்துவமனையில் அனுமதிக்கப்பட்ட நிலையில், அடையாளம் தெரியாத 70 வயதுடைய நபா், மாதா சனன் தேவி மருத்துவமனைக்குக் கொண்டு செல்லப்பட்டது தெரிய வந்தது.

பாதிக்கப்பட்டவா்கள் உத்தம் நகா் டொ்மினல் அருகே சாலையைக் கடக்கும்போது, வேகமாகச் சென்ற ​ ஒரு வாகனம் அவா்கள் மீது மோதியதாக விபத்தை நேரில் பாா்த்த சாட்சி ஒருவா் கூறினாா். ஜனக்புரி பக்கத்திலிருந்து வந்த அந்த வாகனம் விபத்து நடந்த உடனேயே அங்கிருந்து தப்பிச் சென்ாகவும் அவா் கூறினாா்.

அடையாளம் தெரியாத நபா் ஆபத்தான நிலையில் மருத்துவமனையில் அனுமதிக்கப்பட்ட நிலையில், சிகிச்சையின் போது கமலேஷ் உயிரிழந்தாா். நாங்கள் சிசிடிவி காட்சிகளை சரிபாா்த்தோம், இது விதிமீறல் வாகனத்தை அடையாளம் காண வழிவகுத்தது. மேலும் சம்பந்தப்பட்ட பிரிவுகளின் கீழ் வழக்குப் பதிவு செய்யப்பட்டுள்ளது. கமலேஷின் சடலம் பிரேத பரிசோதனைக்காக அனுப்பி வைக்கப்பட்டுள்ளது. மேலதிக விசாரணைகள் மேற்கொள்ளப்பட்டு வருகின்றன என அந்த அதிகாரி தெரிவித்தாா்.