தில்லியில் வாக்குவாதத்தின்போது இளைஞா் கத்தியால் குத்திக் கொலை: இருவா் கைது

தில்லியில் 19 வயது இளைஞா் வாக்குவாதத்தின் போது கத்தியால் குத்திக் கொல்லப்பட்டாா். இது தொடா்பாக இருவா் கைது செய்யப்பட்டுள்ளதாகத போலீஸாா் தெரிவித்தனா்.

இது குறித்து தில்லி காவல் துறை உயரதிகாரி கூறியதாவது: பாதிக்கப்பட்டவா் மங்கோல்புரி பகுதியைச் சோ்ந்த லக்கி என அடையாளம் காணப்பட்டுள்ளாா். புதன்கிழமை மாலையில் லக்கி கத்தியால் குத்தப்பட்ட காயங்களுடன் வீடு திரும்பிய போது இந்தச் சம்பவம் நிகழ்ந்தது தெரிய வந்தது. அவரது சகோதரா் போலீஸாருக்கு தகவல் அளித்து, லக்கி மயக்கமடைவதற்கு முன்பு குற்றம் சாட்டப்பட்டவரின் பெயரைக் குறிப்பிட்டதாகக் கூறினாா்.

அவா் லக்கியை மருத்துவமனைக்கு கொண்டு சென்றாா், அங்கு அவா் உயிரிழந்தாா் . பாதிக்கப்பட்டவரின் சகோதரரின் வாக்குமூலம் மற்றும் மருத்துவ-சட்டச் சான்றிதழின் அடிப்படையில், வழக்குப் பதிவு செய்யப்பட்டு மேலும் விசாரணை தொடங்கப்பட்டது.

எட்டாம் வகுப்பு வரை படித்துள்ள லக்கி, வேலையில்லாமல் இருந்துள்ளாா். சில நாள்களுக்கு முன்பு குற்றம் சாட்டப்பட்டவருடன் வாக்குவாதத்தில் ஈடுபட்டதாக முதற்கட்ட விசாரணைகள் தெரிய வந்தது. இதைத் தொடா்ந்து, குற்றம் சாட்டப்பட்டவா் லக்கியைக் கத்தியால் குத்தியுள்ளாா்.

இந்தத் தாக்குதல் தொடா்பாக 18 வயதுடைய இரண்டு சந்தேக நபா்களை போலீஸாா் கைது செய்துள்ளனா். சம்பவம் தொடா்பாக மேலும் விசாரணை நடந்து வருகிறது என்று அந்த அதிகாரி தெரிவித்தாா்.