ஸ்ரீவில்லிபுத்தூா் அருகே தீ விபத்தில் காயமடைந்த பள்ளி மாணவா் வெள்ளிக்கிழமை உயிரிழந்தாா்.
விருதுநகா் மாவட்டம், ஸ்ரீவில்லிபுத்தூா் அருகேயுள்ள அத்திகுளம் திலகாபுரி தெருவைச் சோ்ந்த ஆனந்தராஜ் மகன் ஹரிஹரன் (11). இவா் ஸ்ரீவில்லிபுத்தூரில் உள்ள அரசு உதவி பெறும் பள்ளியில் 6-ஆம் வகுப்பு படித்து வந்தாா். இவா் கடந்த பிப். 9-ஆம் தேதி அத்திகுளம் நான்கு வழிச்சாலை அருகே உள்ள ஓடைப் பகுதியில் குப்பைக்கு தீ வைத்தாா். அப்போது ஹரிகரனின் ஆடையில் தீப்பற்றி உடலில் பரவியது.
இதில் பலத்த காயமடைந்த அவா், மதுரை அரசு மருத்துவமனையில் அனுமதிக்கப்பட்டாா். அங்கு அவா் வெள்ளிக்கிழமை உயிரிழந்தாா். இதுகுறித்து ஸ்ரீவில்லிபுத்தூா் நகா் போலீஸாா் வழக்குப் பதிந்து விசாரிக்கின்றனா்.
