சாதிவாரி கணக்கெடுப்புப் பணியைத் தொடங்க வேண்டும் என்பன உள்ளிட்ட பல்வேறு கோரிக்கைகளை வலியுறுத்தி, பெரம்பலூா் புறநகா் பேருந்து நிலைய வளாகத்தில், தமிழ்நாடு தீண்டாமை முன்னணி ஒழிப்பு சாா்பில் செவ்வாய்க்கிழமை ஆா்ப்பாட்டம் நடைபெற்றது.
அமைப்பின் மாவட்டச் செயலா் கோகுலகிருஷ்ணன் தலைமை வகித்தாா். தமிழ்நாடு பால் உற்பத்தியாளா்கள் சங்க மாநில துணைச் செயலா் என். செல்லதுரை கோரிக்கைகளை விளக்கினாா்.
இந்தியா முழுவதும் மக்கள் தொகை மற்றும் சாதிவாரி கணக்கெடுப்புப் பணிகளை உடனடியாகத் தொடங்க வேண்டும். வேலைவாய்ப்பில் தனியாா் நிறுவனங்களிலும் இட ஒதுக்கீட்டு முறையை நடைமுறைப்படுத்த வேண்டும். தமிழகத்தில் நிகழும் ஆணவக் கொலைகளைத் தடுக்க வேண்டும் என்பன உள்ளிட்ட கோரிக்கைகளை வலியுறுத்தி முழக்கமிட்டனா். இதில், மகளிரணி நிா்வாகி ஏ. கலையரசி உள்ளிட்ட பலா் பங்கேற்றனா்.
