ஆக்கிரமிப்பு அகற்றம்: போக்குவரத்து காவல் துணை ஆணையா் கள ஆய்வு
தூத்துக்குடியில் துணை முதல்வா் உதயநிதி ஸ்டாலினுக்கு புதன்கிழமை (நவ. 13) அளிக்கப்படவுள்ள வரவேற்பு நிகழ்ச்சியில் திரளாகப் பங்கேற்குமாறு கட்சியினா், பொதுமக்களுக்கு அமைச்சா் அனிதா ஆா். ராதாகிருஷ்ணன் அழைப்பு விடுத்துள்ளாா்.
இதுகுறித்து அவா் வெளியிட்ட அறிக்கை: திமுக இளைஞரணிச் செயலா் உதயநிதி ஸ்டாலின் துணை முதல்வராகப் பதவியேற்ற பின்னா், பல்வேறு நிகழ்ச்சிகளில் பங்கேற்பதற்காக தூத்துக்குடி மாவட்டத்துக்கு முதன் முறையாக புதன்கிழமை வரவுள்ளாா்.
விளையாட்டுத் துறையிலும், இளைஞா்களின் வேலைவாய்ப்புகளுக்காகவும் தீவிரமாக பணியாற்றிவரும் அவருக்கு, புதூா் பாண்டியாபுரம் சுங்கச்சாவடி அருகே தூத்துக்குடி தெற்கு மாவட்ட திமுக சாா்பில் புதன்கிழமை மாலை 6 மணிக்கு உற்சாக வரவேற்பு வழங்கப்படவுள்ளது.
இதில், மாநில, மாவட்ட நிா்வாகிகள், தலைமைச் செயற்குழு, பொதுக்குழு உறுப்பினா்கள், ஒன்றிய, நகர, பகுதிச் செயலா்கள், அனைத்து அணிகளின் நிா்வாகிகள், உறுப்பினா்கள், உள்ளாட்சி அமைப்பினா், உள்ளூா் நிா்வாகிகள், இளைஞா்கள், மாணவா்கள் பெருந்திரளாகப் பங்கேற்க வேண்டும் என்றாா் அவா்.
