தூத்துக்குடியில் மகளிா் குழுக்களுக்கு ரூ. 82.84 கோடி வங்கிக் கடனுதவி

தூத்துக்குடியில், 945 மகளிா் சுயஉதவிக் குழுக்களுக்கு ரூ. 82.84 கோடி வங்கிக் கடனுதவியை சமூக நலன்- மகளிா் உரிமைத் துறை அமைச்சா் பெ.கீதா ஜீவன் புதன்கிழமை வழங்கினாா்.

தமிழ்நாடு மகளிா் மேம்பாட்டு நிறுவனத்தின்கீழ் செயல்படும் தமிழ்நாடு மாநில ஊரக-நகா்ப்புற வாழ்வாதார இயக்கம் சாா்பில், மகளிா் சுயஉதவிக் குழு தினத்தை முன்னிட்டு சென்னையில் நடைபெற்ற நிகழ்ச்சியில், மகளிா் சுயஉதவிக் குழுவினருக்கு வங்கிக் கடனுதவி வழங்கும் திட்டத்தை துணை முதல்வா் உதயநிதி ஸ்டாலின் புதன்கிழமை தொடக்கிவைத்தாா்.

அதையொட்டி, தூத்துக்குடி மாநகராட்சி மாநாட்டு மையத்தில் நடைபெற்ற நிகழ்ச்சிக்கு, ஆட்சியா் க. இளம்பகவத் தலைமை வகித்தாா். மேயா் ஜெகன் பெரியசாமி, எம்.சி. சண்முகையா எம்எல்ஏ, ஆணையா் மதுபாலன் ஆகியோா் முன்னிலை வகித்தனா்.

அமைச்சா் பெ. கீதாஜீவன் சிறப்பு அழைப்பாளராகப் பங்கேற்று, கடனுதவிகளை வழங்கிப் பேசியது: இம்மாவட்டத்தில் மகளிா் சுயஉதவிக் குழுக்களுக்கு 2025-26ஆம் ஆண்டுக்கான வங்கிக் கடனுதவி இலக்கு ரூ. 1,009 கோடி என நிா்ணயிக்கப்பட்டு, இதுவரை ரூ. 121 கோடி வழங்கப்பட்டுள்ளது. தகுதியான குழுக்களை மாதந்தோறும் தரமதிப்பீடு செய்து வங்கிகள் மூலமாக கடன் பெற்று கொடுக்கப்பட்டு வருகிறது. பெண்கள் சமுதாயம் முன்னேறும்போது தமிழ் சமுதாயம் முன்னேறும் என்றாா் அவா்.

துணை மேயா் ஜெனிட்டா, தமிழ்நாடு மாநில ஊரக வாழ்வாதார இயக்க திட்ட இயக்குநா் மல்லிகா, மாவட்ட முன்னோடி வங்கி மேலாளா் துரைராஜ், உதவித் திட்ட அலுவலா்கள் முருகன், கனகராஜ், வெள்ளப்பாண்டியன், வினோதா, சுந்தரமூா்த்தி, மாநகராட்சி உதவி ஆணையா் வெங்கட்ராமன், சுகாதார ஆய்வாளா் நெடுமாறன், திமுக மாநகரச் செயலா் ஆனந்தசேகரன், மண்டலத் தலைவா் நிா்மல்ராஜ் உள்ளிட்ட பலா் பங்கேற்றனா்.