தூத்துக்குடியில் மாற்றுத் திறனாளிகளுக்கு சுயம்வரம்

தூத்துக்குடியில் மாற்றுத் திறனாளிகளுக்கான நவீன சுயம்வரம் நிகழ்ச்சி ஞாயிற்றுக்கிழமை நடைபெற்றது.

தமிழ்நாடு வணிகா் சங்கங்களின் கூட்டமைப்பு, தமிழ்நாடு ஹெச்எம்எஸ் உழைப்பாளா் சங்கம், தென்மண்டல ஒருங்கிணைந்த மாற்றுத் திறனுடையோா் முன்னேற்றச் சங்கம் (எஸ்ஐடிடிஎஸ்) ஆகியவை சாா்பில் நடைபெற்ற நிகழ்ச்சிக்கு, வணிகா் சங்கங்களின் கூட்டமைப்பு நிறுவனா் தலைவா் கராத்தே கண்ணன் தலைமை வகித்தாா்.

சமூக நலன்- மகளிா் உரிமைத் துறை அமைச்சா் பெ. கீதாஜீவன் சிறப்பு அழைப்பாளராகப் பங்கேற்று, குத்துவிளக்கேற்றி நிகழ்ச்சியைத் தொடக்கிவைத்தாா். ஹெச்எம்எஸ் உழைப்பாளா் சங்க மாவட்டத் தலைவா் ராஜலட்சுமி ராஜ்குமாா் கௌரவத் தலைவராக பங்கேற்றுப் பேசினாா்.

வணிகா் சங்கங்களின் கூட்டமைப்பு மாநில துணைத் தலைவா் விஜயகுமாா், ஓம்சக்தி சங்கா், ஹெச்எம்எஸ் மாவட்டத் தலைவா் ராஜ்குமாா், தமிழ்நாடு மாற்றுத் திறனாளிகள் சங்கங்களின் கூட்டமைப்பு மாநில துணைத் தலைவா் பூபதி, மாற்றுத் திறனாளிகள் மாவட்ட நல அலுவலா் பிரம்மநாயகம் ஆகியோா் வாழ்த்திப் பேசினா்.

வணிகா் சங்கங்களின் கூட்டமைப்பு மாவட்டத் தலைவா் வொ்ஜில், மாவட்ட துணைத் தலைவா் அந்தோணிராஜ், மாவட்டப் பொருளாளா் ராமகிருஷ்ணன், தமிழ்நாடு காதுகேளாதோா் சங்கம் மெய்கண்டன், எஸ்ஐடிடிஎஸ் மாவட்டப் பொருளாளா் ராமகிருஷ்ணன், மாற்றுத் திறனாளிகள் பங்கேற்றனா். எஸ்ஐடிடிஎஸ் செயலா் அழகு லெட்சுமி வரவேற்றாா்.