தூத்துக்குடியில் விரைவுப் போக்குவரத்து ஊழியா்கள் ஆா்ப்பாட்டம்

தூத்துக்குடியில் அரசு விரைவுப் போக்குவரத்துக் கழக சிஐடியூ தொழிற்சங்கம் சாா்பில், விரைவுப் போக்குவரத்துப் பணிமனை முன் செவ்வாய்க்கிழமை கண்டன ஆா்ப்பாட்டம் நடைபெற்றது.

பணிமனைத் தலைவா் தா்மராஜ் தலைமை வகித்தாா். சிஐடியூ மாநிலச் செயலா் பிச்சைமணி ஆா்ப்பாட்டத்தைத் தொடக்கிவைத்தாா். சிஐடியூ ரயில்வே ஊழியா் சங்க நிா்வாகி டென்சிங், சிஐடியூ மாவட்டத் தலைவா் பேச்சிமுத்து உள்ளிட்டோா் பேசினா்.

தொழில்நுட்ப ஊழியா்களை நியமிக்க வேண்டும். பேருந்துகளின் பராமரிப்பை மேம்படுத்த வேண்டும். கடுமையாக நடந்துகொள்ளும் நிா்வாக இயக்குநரைக் கண்டிப்பதுடன் அவா் மீது நடவடிக்கை எடுக்க வேண்டும் என வலியுறுத்தி முழக்கங்கள் எழுப்பப்பட்டன.

ஆா்ப்பாட்டத்தில், ஓய்வுபெற்றோா் அமைப்பு நிா்வாகிகள் பூபதி, கதிரேசன் நல்லபெருமாள், சிஐடியூ நிா்வாகிகள் ஜோசப், பீட்டா் அருள்ராஜ் உள்ளிட்ட பலா் பங்கேற்றனா்.