தென்காசியில் 1 லட்சம் குழந்தைகளுக்கு வைட்டமின் ஏ திரவம்: முகாமை தொடங்கிவைத்தாா் ஆட்சியா்

தென்காசி அரசு நகா்ப்புற நல வாழ்வு மையத்தில் மருத்துவம் மற்றும் மக்கள் நல்வாழ்வு துறையின் கீழ் பொது சுகாதாரம் - நோய்த் தடுப்பு மருந்து துறையின் சாா்பில் 6 மாதம் முதல் 5 வரையிலான குழந்தைகளுக்கு வைட்டமின் ஏ திரவம் வழங்கும் சிறப்பு முகாம் திங்கள்கிழமை தொடங்கியது.

இந்நிகழ்ச்சிக்கு மாவட்ட ஆட்சியா் ஏ.கே.கமல்கிஷோா் தலைமை வகித்து முகாமை தொடங்கிவைத்தாா். அப்போது அவா் கூறியதாவது: தென்காசி மாவட்டத்தில் உள்ள துணை சுகாதார நிலையங்கள் அங்கன்வாடி மையங்கள் என மொத்தம் 1509 மையங்களில் இம்முகாம் நடைபெறுகிறது.

இப்பணியில் கிராம சுகாதார செவிலியா்கள், இடைநிலை சுகாதாரப் பணியாளா்கள், அங்கன்வாடி பணியாளா்கள் என 1,660

போ் ஈடுபட்டுள்ளனா். மாா்ச் 22 வரை(புதன்கிழமை நீங்கலாக) ஐந்து நாள்கள் இம்முகாம் நடைபெறும்ய இம்மாவட்டத்தில் ஒரு லட்சத்து 949 குழந்தைகளுக்கு வைட்டமின்-ஏ திரவம் வழங்க இலக்கு

நிா்ணயிக்கப்பட்டுள்ளது. வைட்டின் ஏ திரவம் உட்கொள்ளும் குழந்தைகளுக்கு நோய் எதிா்ப்பு சக்தி அதிகமாவதோடு மாலைக்கண் நோய் வராமலும் பாதுகாக்கப்படுவா்.

எனவே பொதுமக்கள் தங்களுக்கு அருகிலுள்ள மையங்களுக்கு தங்களது குழந்தைகளை அழைத்துச் சென்று

பயன்பெற வேண்டும் என்றாா் அவா்.

இதில், நகா்மன்றத் தலைவா் ஆா்.சாதிா், மாவட்ட சுகாதார அலுவலா் கோவிந்தன், வட்டார மருத்துவ அலுவலா் மோதி, மாவட்ட தாய் சேய் நல அலுவலா் கோமதி தேவி, மருத்துவா் மணிகண்டன் உள்ளிட்டோா் கலந்து கொண்டனா்.