'ஒருவர் வளைந்து கொடுத்தே பழகி விட்டார்; மற்றொருவர் சாட்டையால் அடித்துக்கொள்கிறார...
வரும் பிப்.5-ஆம் தேதி தில்லி சட்டப்பேரவைத் தோ்தல் நடைபெறவுள்ள நிலையில், தோ்தல் நடத்தை விதிகளை மீறியதாக இதுவரை 774 வழக்குகள் பதிவு செய்யப்பட்டுள்ளதாக அதிகாரி ஒருவா் செவ்வாயன்று தெரிவித்தாா்.
தோ்தல் நடத்தை விதிகள்அமலுக்கு வந்த ஜன.7 முதல் ஜன.27 வரையிலான காலகட்டத்தில் இந்த வழக்குகள் பதிவு செய்யப்பட்டுள்ளன.
இந்தக் காலகட்டத்தில் கலால் சட்டம் உள்பட பல்வேறு சட்ட விதிகளின் கீழ் மொத்தம் 24,081 போ் கைது செய்யப்பட்டதாக ஒரு அறிக்கையில் தெரிவிக்கப்பட்டுள்ளது.
தோ்தலுக்கு முன்னதாக, எல்லை சோதனைச் சாவடிகளில் காவல்துறையினா் கண்காணிப்பை தீவிரப்படுத்தியுள்ளனா். மேலும், ஆயுதங்கள், மதுபானம் மற்றும் போதைப்பொருள் கடத்தல் உள்ளிட்ட சட்டவிரோத நடவடிக்கைகள் மீது கடும் நடவடிக்கை எடுத்து வருகின்றனா்.
தோ்தல் நடத்த விதிமீறல் தொடா்பாக தில்லி காவல் துறை 774 வழக்குகளைப் பதிவு செய்து 374 சட்டவிரோத துப்பாக்கிகள் மற்றும் 453 தோட்டாக்களை பறிமுதல் செய்துள்ளதாக அந்த அறிக்கையில் தெரிவிக்கப்பட்டுள்ளது.
மேலும், ரூ.12 கோடிக்கு மேல் மதிப்புள்ள 68,636 லிட்டா் மதுபானம், ரூ.72 கோடிக்கு மேல் மதிப்புள்ள 158.126 கிலோ போதைப்பொருள் மற்றும் 1,200-க்கும் மேற்பட்ட தடைசெய்யப்பட்ட ஊசி மருந்துகளையும் பறிமுதல் செய்துள்ளது.
சட்ட அமலாக்க அதிகாரிகள் ரூ.7.60 கோடி ரொக்கம் மற்றும் 37.39 கிலோ வெள்ளி ஆகியவற்றை பறிமுதல் செய்துள்ளதாக அந்த அறிக்கையில் தெரிவிக்கப்பட்டுள்ளது.
தில்லியில் உள்ள 70 சட்டப்பேரவைத் தொகுதிகளுக்கும் பிப்.5-ஆம் தேதி தோ்தல் நடைபெறுகிறது. பதிவான வாக்குகள் பிப்.8-ஆம் தேதி எண்ணப்பட்டு முடிவுகள் அறிவிக்கப்படும்.
