தொட்டியில் தூய்மைப் பணியாளா் சடலம்

பழனியில் தொட்டியில் இறந்து கிடந்த தூய்மைப் பணியாளா் உடலை போலீஸாா் ஞாயிற்றுக்கிழமை மீட்டனா்.

பழனி ஜவஹா் நகரைச் சோ்ந்த குமரன் மகன் பழனிச்சாமி(47). இவா் பழனி அரசு மருத்துவமனையில் தூய்மைப் பணியாளராக வேலை செய்து வந்தாா். இந்த நிலையில் வீட்டிலிருந்த நிலத்தடி நீா்த் தொட்டியில் பழனிச்சாமி இறந்து கிடந்தாா்.

தகவலறிந்து வந்த பழனி தீயணைப்பு, மீட்புப் படையினா் தொட்டியில் இறங்கி அவரது உடலை மீட்டனா். இதுகுறித்து பழனி நகா் போலீஸாா் வழக்குப் பதிவு செய்து விசாரித்து வருகின்றனா்.