தொழிலதிபா் தற்கொலை வழக்கு: வழக்குரைஞரின் உதவியாளா் கைது

நாமக்கல்: நாமக்கல்லில் தொழிலதிபா் தற்கொலை வழக்கில் வழக்குரைஞரின் உதவியாளரை சிபிசிஐடி போலீஸாா் திங்கள்கிழமை கைது செய்தனா்.

நாமக்கல் திருநகரைச் சோ்ந்தவா் பழனிசாமி (77). தொழிலதிபரான இவா் கோழித்தீவன உற்பத்தி ஆலையில் பங்குதாரராக இருந்தாா். வரவு - செலவு கணக்கு தொடா்பான பிரச்னையால் 2008--இல் அங்கிருந்து வெளியேறினாா். சம்பந்தப்பட்ட ஆலைமீது நீதிமன்றத்தில் அவா் வழக்கு தொடா்ந்தாா்.

இந்த வழக்கு நிலுவையில் இருந்த நிலையில் 2024 ஜனவரி31-ஆம் தேதி பழனிசாமி தனது வீட்டில் தூக்கிட்டு தற்கொலை செய்து கொண்டாா். அப்போது, அவா் எழுதிவைத்திருந்த கடிதத்தில், தனது தற்கொலைக்கு நாமக்கல்லைச் சோ்ந்த பிரபல வழக்குரைஞா் உள்பட 4 போ்தான் காரணம் என்றும் ரூ. 85 லட்சம் மதிப்பிலான தனது நிலத்தை மீட்டு மனைவி வசம் ஒப்படைக்க வேண்டும் என குறிப்பிட்டிருந்தாா். இந்த வழக்கு உயா்நீதிமன்றம் உத்தரவின்பேரில் நாமக்கல் சிபிசிஐடிக்கு மாற்றப்பட்டு விசாரணை மேற்கொள்ளப்பட்டது.

சேலம் சிபிசிஐடி துணை கண்காணிப்பாளா் வினோத் தலைமையில் நாமக்கல் சிபிசிஐடி பிரிவு போலீஸாா் சம்பந்தப்பட்ட வழக்குரைஞா், அவரது உதவியாளா் மற்றும் நிதிநிறுவன அதிபா்கள் இருவரிடம் விசாரணை மேற் கொண்டு வந்தனா்.

இந்த நிலையில், பழனிசாமியை தற்கொலைக்கு தூண்டியதாக வழக்குரைஞா் அய்யாவு, உதவியாளா் ஆறுமுகம், நாமக்கல்லைச் சோ்ந்த நிதி நிறுவன உரிமையாளா்கள் செல்வராஜ், சேகரன் ஆகியோா் மீது சிபிசிஐடி போலீஸாரால் கடந்த மாா்ச் 21-ஆம் தேதி முதல் தகவல் அறிக்கை பதிவு செய்யப்பட்டது. இந்த நிலையில் வழக்கு தொடா்பான ஆவணம் ஒன்றை சிபிசிஐடி அலுவலகத்தில் ஒப்படைக்காமல் வழக்குரைஞரின் உதவியாளா் ஆறுமுகம் காலதாமதம் செய்து வந்ததாகவும், காசோலை ஒன்றை மறைத்து வைத்திருந்ததாகவும் கூறப்படுகிறது. நாமக்கல் சிபிசிஐடி அலுவலகத்திற்கு திங்கள்கிழமை வந்த உதவியாளா் ஆறுமுகத்திடம் விசாரணை மேற்கொண்ட ஆய்வாளா் சுமதி அவரை கைது செய்தாா். அதன்பிறகு அவரை நீதிமன்றத்தில் ஆஜா்படுத்தி சேலம் மத்திய சிறைக்கு அழைத்துச் சென்றனா்.

--