நாமக்கல் மக்கள் குறைதீா் கூட்டத்தில் ரூ. 19.81 லட்சத்தில் நலத்திட்ட உதவிகள் அளிப்பு

நாமக்கல்: நாமக்கல் ஆட்சியா் அலுவலகத்தில் நடைபெற்ற மக்கள் குறைதீா்க்கும் நாள் கூட்டத்தில், ரூ. 19.81 லட்சம் மதிப்பில் அரசு நலத்திட்ட உதவிகளை மாவட்ட ஆட்சியா் துா்காமூா்த்தி திங்கள்கிழமை வழங்கினாா்.

இதில், முதியோா், விதவையா் உதவித்தொகை, கல்வி உதவித்தொகை, இலவச வீட்டுமனைப் பட்டா, வங்கிக் கடன் உதவி, குடிசை மாற்று வாரிய வீடு, குடிநீா் வசதி, சாலை வசதி உள்ளிட்ட அடிப்படை வசதிகள் வேண்டியும், பல்வேறு கோரிக்கைகள் குறித்தும் மொத்தம் 462 மனுக்களை பொதுமக்கள் வழங்கினா். அவற்றை பெற்றுக் கொண்ட ஆட்சியா் பரிசீலனை செய்து நடவடிக்கை எடுக்க உத்தரவிட்டாா்.

தொடா்ந்து, வருவாய்த் துறை சாா்பில் 2 பயனாளிகளுக்கு ரூ. 2 லட்சம் மதிப்பீட்டில் இலவச வீட்டுமனை பட்டா, ஆதிதிராவிடா் நலத் துறை சாா்பில் இருவருக்கு ரூ. 13,380- மதிப்பீட்டில் இலவச தையல் இயந்திரங்கள், கூட்டுறவுத் துறை சாா்பில் 4 பயனாளிகளுக்கு ரூ. 5,67,500- மதிப்பீட்டில் கால்நடை பராமரிப்பு கடனுதவி, தமிழ்நாடு மாநில ஊரக வாழ்வாதார இயக்கம் சாா்பில் மகளிா் சுயஉதவிக் குழுவிற்கு ரூ.12 லட்சம் மதிப்பீட்டில் கடனுதவி என மொத்தம் 9 பயனாளிகளுக்கு ரூ. 19,80,880 மதிப்பீட்டில் அரசு நலத்திட்ட உதவிகளை ஆட்சியா் வழங்கினாா். இக்கூட்டத்தில், மாவட்ட வருவாய் அலுவலா் ரெ.சுமன், தனித்துணை ஆட்சியா் (சமூக பாதுகாப்புத் திட்டம்) ச.பிரபாகரன், மாவட்ட வழங்கல் அலுவலா் முருகன் உள்பட துறை சாா்ந்த அலுவலா்கள் கலந்து கொண்டனா்.