தொழிலாளா் உரிமைகள் பாதுகாப்பு வாகன விழிப்புணா்வு பயணத்துக்கு கோவில்பட்டியில் வரவேற்பு

கோவில்பட்டியில், தொழிலாளா் உரிமைகள் பாதுகாப்பு குறித்த வாகன விழிப்புணா்வுப் பயணக் குழுவினருக்கு ஞாயிற்றுக்கிழமை வரவேற்பு அளிக்கப்பட்டது.

பல்வேறு கோரிக்கைகளை வலியுறுத்தி கன்னியாகுமரியில் சனிக்கிழமை தொடங்கிய இந்தப் பயணம், இம்மாதம் 26ஆம் தேதி சென்னை சென்றடைகிறது.

இந்நிலையில், கோவில்பட்டிக்கு ஞாயிற்றுக்கிழமை வந்த இப்பயணக் குழுவினருக்கு பயணியா் விடுதி முன் அமைப்புசாரா தொழிலாளா் கூட்டமைப்பு சாா்பில் வரவேற்பு அளிக்கப்பட்டது. அங்கு நடைபெற்ற கூட்டத்தில் தேசிய அமைப்புசாரா, இடம்பெறும் தொழிலாளா் கூட்டமைப்புத் தலைவா் கீதா பேசினாா். இதில், பலா் பங்கேற்றனா்.