தொழில்நுட்பப் பணிகளுக்கான ஒருங்கிணைந்த தோ்வு இன்று தொடக்கம்

தொழில்நுட்பப் பணிகளுக்கான ஒருங்கிணைந்த தோ்வு சனிக்கிழமை தொடங்குகிறது.

இயந்திர பொறியாளா், சுருக்கெழுத்தா் உட்பட அரசுத் துறைகளில் காலியாக உள்ள தொழில்நுட்பப் பணியிடங்களுக்கு அரசுப் பணியாளா் தோ்வாணையம் அறிவிக்கை வெளியிட்டது. பல்வேறு காலிப் பணியிடங்களுக்கு மொத்தமாக 37,808 போ் தோ்வு எழுதவுள்ளனா். இந்தத் தோ்வுகள் சனிக்கிழமை தொடங்கி வரும் 16-ஆம் தேதி வரை நடைபெற உள்ளது.

பொது அறிவு, பொறியியல் உள்ளிட்ட பாடப் பிரிவுகளில் இருந்து கேள்விகள் கேட்கப்படவுள்ளன. வரும் 16-ஆம் தேதி வரை காலை, மாலை என இருவேளைகளிலும் வெவ்வேறு துறைகளில் காலியாக உள்ள பணியிடங்களுக்கு எழுத்துத் தோ்வு நடைபெறவுள்ளது குறிப்பிடத்தக்கது.