நங்கநல்லூா் மெட்ரோ ரயில் நிலையத்துக்கு ஓடிஏ மெட்ரோ ரயில் நிலையம் எனப் பெயா் மாற்றம் செய்யப்பட்டுள்ளது.
விம்கோ நகா் பணிமனை-மீனம்பாக்கம் இடையே இயங்கும் மெட்ரோ ரயில் வழித்தடத்தில் நங்கநல்லூா் மெட்ரோ ரயில் நிலையமும் ஒன்றாகும். ராணுவ அதிகாரிகள் பயிற்சி அகாதெமிக்கு (ஓடிஏ) அருகே இந்த மெட்ரோ நிலையம் அமைந்துள்ளது.
இந்திய ராணுவத்தில் ஓடிஏ-வின் பங்களிப்பை பறைசாற்றும் விதமாக நங்கநல்லூா் மெட்ரோ நிலையத்துக்கு ‘ஓடிஏ மெட்ரோ நிலையம்’ எனப் பெயா் மாற்றப்பட்டுள்ளது. அண்மையில் திட்டமிடல், வளா்ச்சி மற்றும் சிறப்பு முயற்சிகள் துறை சாா்பில் அரசு தலைமைச் செயலா் என்.முருகானந்தம் தலைமையில் நடைபெற்ற கூட்டத்தில் இந்தப் பெயா் மாற்றத்துக்கான அரசணை வெளியிடப்பட்டது.
