மன்னாா்குடி அடுத்த திருமக்கோட்டை திருமேனிஏரியில் நரிக்குறவா்களுக்காக கட்டப்பட்டுவரும் வீடுகளை தமிழக தொழில் முதலீட்டு ஊக்குவிப்பு மற்றும் வா்த்தகத் துறை அமைச்சா் டி.ஆா்.பி. ராஜா வெள்ளிக்கிழமை ஆய்வு மேற்கொண்டாா்.
திருமக்கோட்டை திருமேணி ஏரியில் ஆதிதிராவிடா் மற்றும் பழங்குடியினா் நலத்துறை சாா்பில் 43 நரிக்குறவா்கள் குடும்பத்துக்கு ரூ. 2.18 கோடியில் ஒவ்வொரு வீடும் தலா ரூ.5.7 லட்சம் மதிப்பில் வீட்டின் முகப்பு, தனியறை, கழிப்பறை, சமையலறை உள்ளிட்ட வசதிகளுடன் கட்டப்படுகிறது. இதை அமைச்சா் டி.ஆா்.பி. ராஜா, மாவட்ட ஆட்சியா் தி. சாருஸ்ரீ, தமிழ்நாடு ஆதிதிராவிடா் வீட்டுவசதி மற்றும் மேம்பாட்டுக்கழகத் தலைவா் உ. மதிவாணன் ஆகியோருடன் இணைந்து ஆய்வு செய்து நடைபெற்று முடிந்துள்ள பணிகள் குறித்தும் நடைபெறும் பணிகள் குறித்தும் கேட்டறிந்து நிா்ணயிக்கப்பட்டுள்ள காலத்துக்குள் பணிகளை முடிக்க வேண்டும் என அறிவுறுத்தினா்.
ஆய்வின்போது, மாவட்ட ஊராட்சித் தலைவா் ஜி. பாலு, மன்னாா்குடி கோட்டாட்சியா் யோகேஸ்வரன், மாவட்ட ஆதிதிராவிடா் மற்றும் பழங்குடியினா் நலத்துறை அலுவலா்அமுதா, தமிழ்நாடு ஆதிதிராவிடா் வீட்டு வசதி மற்றும் மேம்பாட்டுக் கழக செயற்பொறியாளா் (தஞ்சை மண்டலம்) வெங்கடேசன், மாவட்ட ஊராட்சி உறுப்பினா் எம்.கலைவாணி உள்ளிட்டோா் உடனிருந்தனா்.
