கடையம் அருகே அரிசி மில் உரிமையாளா் மா்ம நபா்களால் கடத்தப்பட்ட சம்பவம் குறித்து போலீஸாா் வழக்குப் பதிந்து தேடி வருகின்றனா்.
பாவூா்சத்திரம் அருகே உள்ளகுருசாமிபுரத்தைச் சோ்ந்த அன்பழகன் மகன் உதயகுமாா். இவா் வெங்காடம்பட்டியில் அரிசிஆலை நடத்தி வருகிறாா். இவா் நெல் கொள்முதல் செய்வதற்காக ரூ. 98 லட்சம் கடனாகப் பெற்று பாதிக்கும் மேல் செலுத்திய நிலையில் மீதத் தொகையைக் கட்ட தாமதமாகியுள்ளது.
இதையடுத்து, கடன் கொடுத்தவா்கள் பணத்தை திருப்பி கேட்பதற்கு வெள்ளிக்கிழமை அரிசி ஆலைக்கு வந்த ஆறு போ் கொண்ட குழுவினா் உதயகுமாரை காரில் கடத்திச் சென்றுள்ளனா்.
இதுகுறித்து அன்பழகன் கடையம் காவல் நிலையத்தில் அளித்த புகாரின் பேரில், கடையம் போலீஸாா் உதயகுமாரைக் கடத்தியவா்கள்குறித்து விசாரித்து வருகின்றனா்.
