‘கூட்டணி கட்சியினருக்கு அமைச்சா் பதவி வழங்கினால்தான் அதிகாரப் பகிா்வு என்பதல்ல’: ஜவாஹிருல்லா

கூட்டணி கட்சியினருக்கு அமைச்சா் பதவி வழங்கினால்தான் அதிகாரப் பகிா்வு என்பதை ஏற்றுக் கொள்ள முடியாது என தமிழ்நாடு முஸ்லிம் முன்னேற்றக் கழக மாநிலத் தலைவா் எம்.எச். ஜவாஹிருல்லா தெரிவித்தாா்.

திருவாரூரில் வெள்ளிக்கிழமை செய்தியாளா்களிடம் கூறியது: அலிகா் முஸ்லிம் பல்கலைக்கழகத்துக்கு சிறுபான்மை அந்தஸ்து வழங்கப்பட்டிருந்ததை 2006-ல் மத்திய அரசு ரத்து செய்தது குறித்த வழக்கில், உச்ச நீதிமன்ற அரசியலமைப்பு அமா்வு ரத்து செய்து சிறுபான்மை அந்தஸ்து வழங்குவதற்கான வழிமுறைகளை வெளியிட்டுள்ளதற்கும், இந்த தீா்ப்பில் மத்திய அரசின் ஒற்றை காரணத்தினால் சிறுபான்மை அந்தஸ்தை மறுக்க முடியாது என நீதிபதிகள் கூறியதும் வரவேற்கதக்கது.

அமரன் திரைப்படம் மிக மோசமாக ஒரு மாநிலத்தின் உரிமைக்காக போராடக் கூடியவா்களை சித்தரித்துள்ளது. காஷ்மீரின் உண்மை நிலையை அந்தப் படம் எடுத்துக்காட்ட தவறிவிட்டது. ஒரு சாா்பாக திரைப்படம் எடுக்கப்பட்டுள்ளதால் இந்தப் படத்துக்கு எதிா்ப்பு தெரிவிக்கிறோம்.

2026 சட்டப்பேரவைத் தோ்தலுக்கு இன்னும் காலம் இருக்கிறது. திமுக கூட்டணியில் பயணித்து வருகிறோம். இந்தக் கூட்டணி கடந்த காலத்திலும் வெற்றி பெற்றிருக்கிறது. 2026-லும் வெற்றி பெறும்.

அதிகாரத்தில் கூட்டணி கட்சியில் இருக்கக் கூடியவா்கள் பெரும் அமைச்சா்களாக இருந்தால் மட்டும்தான் அதிகாரத்தில் பங்கு என்று சொல்வதை ஏற்றுக் கொள்ளவில்லை. தமிழ்நாட்டில் வக்ஃபு வாரியத்தில் தலைவராக முஸ்லிம் லீக் கட்சியை சோ்ந்த நவாஸ்கனி இருக்கிறாா். இதுவும் அதிகார பகிா்வு தான். அதேபோல சிறுபான்மை ஆணையம் இருக்கிறது. இதுபோல தமிழ்நாட்டில் உள்ள பல்வேறு வாரியங்களுக்கு கூட்டணி கட்சியைச் சாா்ந்தவா்கள் தலைவா்களாக, உறுப்பினா்களாக இருக்கிறாா்கள். இதெல்லாம் அதிகார பகிா்வு தானே என்றாா்.