நாகா்கோவில் ரயில்வே பணிமனையில் பராமரிப்புப் பணிகள் நடைபெற்று வருவதால் சென்னை சென்ட்ரல் மற்றும் தாம்பரத்திலிருந்து நாகா்கோவில் செல்லும் ஒருசில அதிவிரைவு ரயில்கள் கன்னியாகுமரி வரை நீட்டிக்கப்பட்டுள்ளன.
இது குறித்து தெற்கு ரயில்வே சாா்பில் வெளியிடப்பட்ட செய்திக் குறிப்பு:
தாம்பரத்திலிருந்து வாரம் 3 நாள்கள் இரவு 7.30 மணிக்கு நாகா்கோவிலுக்கு புறப்படும் அதிவிரைவு ரயில் (எண்: 22657) ஜூன் 22 முதல் ஜூலை 21-ஆம் தேதிவரை கன்னியாகுமரி வரை நீடிக்கப்பட்டுள்ளது. அதேபோல், நாகா்கோவிலில் இருந்து மாலை 5.05 மணிக்கு புறப்பட்டு தாம்பரம் வரும் ரயில் (எண்: 22658) ஜூன் 23 முதல் ஜூலை 22-ஆம் தேதி வரை நாகா்கோவிலுக்கு பதிலாக கன்னியாகுமரியிலிருந்து மாலை 4.35 மணிக்கு புறப்படும்.
தாம்பரத்தில் இருந்து வாரந்தோறும் வியாழக்கிழமைகளில் இரவு 7.30 மணிக்கு நாகா்கோவில் செல்லும் அதிவிரைவு ரயில் (எண்: 12667) ஜூன் 26 முதல் ஜூலை 17-ஆம் தேதி வரை கன்னியாகுமரி வரை இயக்கப்படும். மறுமாா்க்கமாக வாரந்தோறும் வெள்ளிக்கிழமைகளில் நாகா்கோவிலிருந்து மாலை 5.05 மணிக்கு தாம்பரம் செல்லும் ரயில் (எண்: 12668) ஜூன் 27 முதல் ஜூலை 18-ஆம் தேதி வரை கன்னியாகுமரியிலிருந்து மாலை 4.35 மணிக்கு புறப்பட்டு தாம்பரம் வந்தடையும்.
மேலும், சென்ட்ரலிலிருந்து வாரந்தோறும் வெள்ளிக்கிழமைகளில் இரவு 7 மணிக்கு நாகா்கோவில் செல்லும் அதிவிரைவு ரயில் (எண்: 12689) ஜூன் 27 முதல் ஜூலை 18-ஆம் தேதி வரை கன்னியாகுமரி வரை நீடிக்கப்படும். மறுமாா்க்கமாக நாகா்கோவிலிலிருந்து வாரந்தோறும் ஞாயிற்றுக்கிழமைகளில் இரவு 8 மணிக்கு சென்ட்ரலுக்கு புறப்படும் அதிவிரைவு ரயில் (எண்: 12690) ஜூன் 29 முதல் ஜூலை 20-ஆம் தேதி வரை கன்னியாகுமரியிலிருந்து இரவு 8.30 மணிக்கு புறப்படும். இந்த அதிவிரைவு ரயில்கள் அனைத்தும் நாகா்கோயிலில் நின்று செல்லும்.
பகுதி ரத்து: இதற்கிடையே, தாம்பரத்திலிருந்து இரவு 10.40 மணிக்கு நாகா்கோவில் செல்லும் அந்தியோதயா விரைவு ரயில் ( எண்: 20691) ஜூன் 22 முதல் ஜூலை 21 வரை திருநெல்வேலியுடன் நிறுத்தப்படும். மறுமாா்க்கமாக நாகா்கோவிலிலிருந்து பிற்பகல் 3.50 மணிக்கு தாம்பரம் செல்லும் விரைவு ரயில் (எண்: 20692) ஜூன் 23 முதல் ஜூலை 22 வரை நாகா்கேவிலுக்கு பதிலாக திருநெல்வேலியிலிருந்து மாலை 5.10 மணிக்கு புறப்பட்டு சென்னை வந்தடையும் என்று தெரிவிக்கப்பட்டுள்ளது.
