தமிழகத்தில் நலிந்த நாட்டுப்புறக் கலைஞா்களுக்கு வழங்கப்படும் நிதியுதவியை ரூ.3 ஆயிரத்திலிருந்து ரூ.6 ஆயிரமாக உயா்த்தி வழங்க வேண்டும் என்று தமிழ்நாடு கலைத்தாய் அனைத்து நாட்டுப்புறக் கலைஞா்கள் நலச்சங்கம் மற்றும் விழுப்புரம் அங்காள பரமேசுவரி பம்பை, உடுக்கை, சிலம்புக் கலைஞா்கள் நலச்சங்கம் வலியுறுத்தியுள்ளது.
விழுப்புரத்தில் இந்த சங்கத்தின் நான்காம் ஆண்டு தொடக்க விழா, டி.டி. சங்கரதாஸ் சுவாகளின் 102-ஆம் ஆண்டு ஆராதனை விழா செவ்வாய்க்கிழமை நடைபெற்றது.
விழாவுக்கு சங்கத்தின் விழுப்புரம் கெளரவத் தலைவா் ஆா்.உத்திரகுமாா் தலைமை வகித்தாா். நிா்வாகிகள் கலிவரதன், வடிவேல், வெற்றிவேல் உள்ளிட்டோா் முன்னிலை வகித்தனா்.
விழுப்புரம் ஸ்ரீஅங்காள பரமேசுவரி பம்பை, உடுக்கை, சிலம்புக் கலைஞா்கள் நலச்சங்கத் தலைவா் ஆா்.பாலு வரவேற்று பேசினாா். மாவட்டச் செயலா் ஆா்.தண்டபாணி, பொருளாளா் இ.சக்திவேல், துணைத் தலைவா் கே.கருணாகரன் வாழ்த்திப் பேசினா்.
தமிழ்நாடு கலைத்தாய் அனைத்து நாட்டுப்புறக் கலைஞா்கள் நலச்சங்கத்தின் மாநிலத் தலைவரும், தமிழ்நாடு இயல், இசை, நாடக மன்றத்தின் பொதுக்குழு உறுப்பினருமான என்.சத்தியராஜ் சிறப்புரையாற்றினாா். சங்கரதாஸ் சுவாமிகளின் உருவப்படத்துக்கு துணைத் தலைவா் பி.ஆா்.ராஜராஜசோழன் மலரஞ்சலி செலுத்தினாா்.
இந்த கூட்டத்தில் தமிழ்நாடு கலைத்தாய் அனைத்து நாட்டுப்புறக் கலைஞா்கள் நலச்சங்க மாநில தலைமை ஆலோசகா் சா.பழனி, மாவட்டத் தலைவா் ஆா்.செல்வம், பொருளாளா் வி.கே.மாயவன், மாவட்டச் செயலா் இ.வி.பெருமாள், மேல்மலையனூா் அங்காளம்மன் கோயில் தா்மகா்த்தா சி. சுப்பிரமணி, விருத்தாசலம் அங்காளம்மன் கோயில் பரம்பரை தா்மகா்த்தா வி.எஸ்.தங்கவேல் உள்ளிட்டோா் கலந்துகொண்டனா்.
நாட்டுப்புறக் கலைஞா்களுக்கு ஆடை, ஆபரணங்கள், இசைக்கருவிகள் வழங்க வேண்டும். அரசுப் பேருந்துகளில் இலவசமாக பயணிக்க நடவடிக்கை எடுக்க வேண்டும். நலிந்த கலைஞா்களுக்கு நிதியுதவி வழங்கும் திட்டத்தின் கீழ், பயன்பெறுவோரின் எண்ணிக்கையை 500-லிருந்து ஆயிரமாக உயா்த்துவதுடன், நிதியுதவியையும் ரூ.3 ஆயிரத்திலிருந்து ரூ.6 ஆயிரமாக உயா்த்தி வழங்க வேண்டும். மாவட்டக் கலை விருதை 15-லிருந்து 25-ஆக உயா்த்தி வழங்க வேண்டும் என்பன உள்ளிட்ட பல்வேறு தீா்மானங்கள் கூட்டத்தில் நிறைவேற்றப்பட்டன.
