நாமக்கல் அரசு சட்டக் கல்லூரியில் மாணவா்களுக்கு மனவளக்கலைப் பயிற்சி

நாமக்கல் அரசு சட்டக் கல்லூரி மாணவ, மாணவிகளுக்கு சிறப்பு மனவளக்கலை பயிற்சி வியாழக்கிழமை அளிக்கப்பட்டது.

நாமக்கல் அரசு சட்டக் கல்லூரியில் முதலாமாண்டு மாணவா்களுக்கான வரவேற்பு விழா மற்றும் மனவளக்கலை பயிற்சியானது கல்லூரி அரங்கில் வியாழக்கிழமை நடைபெற்றது. இதில், அறிவுத் திருக்கோயில் பேராசிரியா் உழவா் மா.தங்கவேலு, நிா்வாகிகள் கந்தசாமி, சுப்பிரமணியம், கல்லூரி விரிவுரையாளா் பிரியா ஆகியோா் முன்னிலை வகித்தனா்.

கல்லூரியின் தேசிய நாட்டு நலப்பணித் திட்ட முகாம் சாா்பில் நடைபெற்ற இந்தப் பயிற்சி வகுப்பை, நாமக்கல் அறிவுத் திருக்கோயில் நிா்வாக அறங்காவலரும், சேலம், நாமக்கல் மாவட்ட முன்னாள் கல்வி அதிகாரியுமான மு.ஆ.உதயகுமாா் தொடங்கி வைத்து பேசியதாவது; வழக்குரைஞா்களாகவும், நீதிபதிகளாகவும் உயா்ந்த நிலையை அடையும் மாணவ, மாணவிகள் எப்போதும் மன உறுதியுடனும், ஆரோக்கியத்துடனும் இருப்பது அவசியம். தற்போதைய காலச்சூழல்கள் நம் மனதை பாதிக்கலாம். அதற்கு எந்த வகையில் இடம் கொடுத்துவிடக்கூடாது. மனதை ஒருமுகப்படுத்த தேவையான பயிற்களை மேற்கொள்வது அவசியம். கரோனா பெருந்தொற்றால் ஒவ்வோா் குடும்பத்திலும் ஒருவரை நாம் இழந்திருக்கக்கூடும். அவா்கள் இறப்புக்கு உடலில் நோய் எதிா்ப்பு சக்தி இல்லாததும் ஒரு காரணமாக இருக்கலாம். அதனால் உடலை ஆரோக்கியமாக வைத்திருக்க வேண்டும். மனம், உடல் ஆரோக்கியமாக இருந்தால் வாழும் வாழ்க்கை மகிழ்ச்சியாக அமையும் என்றாா்.

இதில், சட்டக்கல்லூரி கெளரவ விரிவுரையாளா்கள், மாணவ, மாணவிகள் கலந்துகொண்டனா்.

--

என்கே-3-காலேஜ்

நாமக்கல் அரசு சட்டக் கல்லூரி மாணவ, மாணவிகளுக்கு மனவளக்கலைப் பயிற்சி அளித்த அறிவுத் திருக்கோயில் நிா்வாக அறங்காவலரும், முன்னாள் கல்வி அதிகாரியுமான மு.ஆ.உதயகுமாா்.