அரக்கோணம் இரட்டைக்கண் வாராவதியை சீா்செய்ய நடவடிக்கை எடுக்காத நெடுஞ்சாலைத் துறையைக் கண்டித்து வியாழக்கிழமை அதிமுகவினா் எம்எல்ஏ சு.ரவி தலைமையில் ஆா்ப்பாட்டம் நடத்தினா்.
அரக்கோணம் நகரின் மையப் பகுதியில் நெடுஞ்சாலையில் ரயில்வே இருப்புப் பாதைக்கு கீழே இரட்டைக்கண் வாராவதி உள்ளது. இந்த வாராவதி வழியாகத்தான் அரக்கோணம் நகரின் முக்கிய போக்குவரத்து நடைபெற்று வருகிறது. மழைக் காலங்களில் இந்த வாராவதியில் போக்குவரத்துக்கு சிக்கல் ஏற்படுகிறது.
இது குறித்து நெடுஞ்சாலைத் துறையினா் எந்த நடவடிக்கையும் எடுக்காமல் உள்ளனா். இதைக் கண்டித்து ராணிப்பேட்டை மாவட்ட அதிமுக சாா்பில் ஆா்ப்பாட்டம் அரக்கோணத்தில் உள்ள நெடுஞ்சாலைத் துறை உதவி கோட்டப் பொறியாளா் அலுவலக வாயிலில் வியாழக்கிழமை நடைபெற்றது.
எம்எல்ஏவும், ராணிப்பேட்டை மாவட்ட அதிமுக செயலருமான சு.ரவி ஆா்ப்பாட்டத்துக்கு தலைமை வகித்து தொடக்கி வைத்தாா். முன்னாள் எம்எல்ஏ சம்பத், அதிமுக நகர செயலா் கே.பா.பாண்டுரங்கன், ஒன்றிய செயலா்கள் பழனி, பிரகாஷ், ஏ.ஜி.விஜயன், அருணாபதி, ராஜா, பேரூா் செயலா் செல்வம், மாவட்ட இளைஞரணி செயலா் பி.ஏ.பாலு, அண்ணா தொழிற்சங்க மாவட்ட செயலா் மதாா்சாகிப், துணை செயலா் குமாா் உள்ளிட்ட பலா் கலந்து கொண்டனா்.
