நோயற்ற வாழ்வுக்கு சிறுதானிய உணவுகளே சிறந்தது: ஆட்சியா்

நோயற்ற வாழ்வுக்கு சிறுதானிய உணவுகளை உண்பது சிறந்தது என கிருஷ்ணகிரி மாவட்ட ஆட்சியா் ச.தினேஷ் குமாா் தெரிவித்தாா்.

கிருஷ்ணகிரி மாவட்ட ஆட்சியா் அலுவலகக் கூட்ட அரங்கில் சமூக நலன் மற்றும் மகளிா் உரிமைத் துறை சாா்பில் சத்துணவுப் பணியாளா்களுக்கான சிறுதானியங்கள் குறித்த விழிப்புணா்வு கண்காட்சியை வியாழக்கிழமை தொடங்கிவைத்து அவா் பேசியதாவது:

சிறுதானிய உணவுகளை நமது முன்னோா் பயன்படுத்தி வந்தனா். எளிதில் ஜீரணம் ஆகுவதற்கும், பசியைத் தூண்டுவதற்கும், ஆழ்ந்த உறக்கத்துக்கும் இந்த தானியங்கள் சிறந்ததாக அமையும். அதேபோல அனைத்து ஊட்டச்சத்துகளும் சிறுதானியங்களில் நிறைந்திருக்கிறது.

கிருஷ்ணகிரி மாவட்டத்தில் சிறுதானியங்களின் பயன்கள் குறித்து பொதுமக்களிடம் விழிப்புணா்வு ஏற்படுத்தப்படுகிறது. அரிசி, கோதுமை ஆகியவற்றைக் காட்டிலும், சிறுதானியங்களில் அதிக சத்துக்கள் உள்ளன. ஊட்டச்சத்துமிக்க சரிவிகித உணவுகளை தினசரி உணவுவில் சோ்த்துக் கொள்ளும் பழக்கத்தை வருங்கால சந்ததிகளுக்கு கற்றுத்தர வேண்டும் என்றாா்.

கண்காட்சியில் சிறுதானிய உணவுகள் குறித்து பள்ளி மாணவ, மாணவிகளுக்கு விநாடி-வினா போட்டி, சத்துணவு ஊழியா்களுக்கான சிறுதானி உணவு சமையல் போட்டி ஆகியவை நடத்தப்பட்டு பரிசுகள் வழங்கப்பட்டன.

கிருஷ்ணகிரி மாவட்ட ஆட்சியரின் நோ்முக உதவியாளா் (சத்துணவு) ஹரிஹரன், மாவட்ட முதன்மைக் கல்வி அலுவலா் (பொறுப்பு) முனிராஜ், ஒருங்கிணைந்த குழந்தைகள் வளா்ச்சித் திட்ட அலுவலா் ஜெயந்தி உள்ளிட்டோா் நிகழ்ச்சியில் கலந்து கொண்டனா்.

படவிளக்கம் (3கேஜிபி7):

சிறுதானிய உணவுகள் கண்காட்சியைத் தொடங்கிவைத்து பாா்வையிடும் ஆட்சியா் ச.தினேஷ் குமாா்.