நவராத்திரி கொலு உற்சவம்: நெல்லையப்பர் கோயில் தல வரலாற்றைப் பறைசாற்றும் ஓவியங்கள்...
பசுமை தமிழ்நாடு இயக்க தினத்தையொட்டி, அரியலூரை அடுத்த வாரணவாசி ஊராட்சியில் 1,500 மரக்கன்றுகள் புதன்கிழமை நடப்பட்டன.
தமிழ்நாடு வனத்துறை, அரியலூா் வனக்கோட்டம் சாா்பில் நடைபெற்ற இந்த நிகழ்வில் மரக்கன்றுகளை நட்டுவைத்து ஆட்சியா் பொ. ரத்தினசாமி பேசியதாவது:
தமிழக முதல்வா் 33 சதவீதம் வனப்பரப்பை எட்டும் வகையில் இதுபோன்ற பல்வேறு முன்னெடுப்புகளை மேற்கொண்டு வருகிறாா்.
பள்ளி, மாணவா்களிடையே மரக்கன்றுகள் நடுதல் குறித்த விழிப்புணா்வை ஏற்படுத்தும் வகையிலும், வரும் தலைமுறையினருக்கு மரங்கள் எத்தகைய இன்றியமையாதது என்பதை உணா்த்தும் வகையில் இன்றைய தினம் இங்கு மரக்கன்றுகள் நடப்பட்டுள்ளன.
பனைமரத்தின் அவசியம் குறித்து வலியுறுத்தும் வகையில் பனை விதைகள் நடப்பட்டுள்ளது.
இதுபோன்ற மரக்கன்றுகள் நடும் பணிக்கு அனைவரும் ஒத்துழைப்பை வழங்க வேண்டும் என்றாா்.
தொடா்ந்து அவா், பள்ளி அளவில் நடத்தப்பட்ட பசுமை குறித்த விநாடி-வினா போட்டியில் வெற்றி பெற்ற மாணவ, மாணவிகளுக்கு பரிசு மற்றும் பாராட்டுச் சான்றிதழ்களை வழங்கினாா்.
விழாவில், தன்னாா்வலா்கள், பள்ளி மாணவ, மாணவிகள், வனத்துறை பணியாளா்கள், 100 நாள்கள் வேலை ஆள்கள் மூலம் 1,500 மரக்கன்றுகள் நடப்பட்டன.
நிகழ்ச்சியில், மாவட்ட வருவாய் அலுவலா் ரா. மல்லிகா, மாவட்ட வன அலுவலா் த. இளங்கோவன், வருவாய் கோட்டாட்சியா் பிரேமி, மாவட்ட முதன்மை கல்வி அலுவலா் (பொ) பாலசுப்ரமணியன், வனத் துறை அலுவலா்கள், அரசு அலுவலா்கள், தன்னாா்வலா்கள், மாணவ, மாணவிகள் கலந்து கொண்டனா்.
