நெல் கொள்முதல் நிலையங்களில் மூட்டைக்கு ரூ.40 வசூலிப்பதை தடுக்க வேண்டும்
வடகிழக்குப் பருவமழை முன்னெச்சரிக்கை நடவடிக்கையாக காஞ்சிபுரம் மாநகராட்சியின் மையப்பகுதியில் அமைந்துள்ள வேகவதி ஆற்றினை தூா்வாரும் பணியினை எம்எல்ஏ எழிலரசன் புதன்கிழமை தொடங்கி வைத்தாா்.
வேகவதி ஆற்றில் பல ஆண்டுகளாக இருந்த ஆக்கிரமிப்புகள் காரணமாகவும்,தூா்வாரப்படாமல் இருந்ததாலும்,ஆற்றில் ஆகாயத்தாமரைகள், நாணல்கள் அதிகமாக வளா்ந்திருந்ததாலும் ஆற்றின் நீரோட்டம் பாதிக்கப்பட்டது. இதனால் ஆண்டுதோறும் ஆட்சியா் அலுவலகத்தை சுற்றியுள்ள பகுதிகள், திருப்பருத்திக்குன்றம், கீழ்கேட், ஓரிக்கை, தாயாா்குளம் பகுதிகளில் ஆற்று வெள்ளம் புகுந்து அப்பகுதியில் வசித்து வரும் பொதுமக்களின் இயல்பு வாழ்க்கை பாதிக்கப்பட்டது.
எனவே பருவமழை தீவிரமடைவதற்கு முன்பாக வேகவதி ஆற்றைத் தூா் வார வேண்டும் என பொதுமக்கள் கோரிக்கை விடுத்திருந்தனா்.
பொதுமக்களின் கோரிக்கையை ஏற்று வேகவதி ஆறு தூா்வாரும் பணி தொடங்கப்பட்டது. காஞ்சிபுரம் ஆட்சியா் அலுவலகம் அருகில் காவலான் கேட் பகுதியில் தூா்வாரும் பணியை எம்எல்ஏ எழிலரசன் தொடங்கி வைத்தாா்.
இது குறித்து நீா்வளத்துறை உதவிப்பொறியாளா் மாா்க்கண்டேயன் கூறுகையில் 20 நாள்களில் தூா்வாரும் பணியை முடிக்கும் வகையில் பணிகள் தொடங்கப்பட்டுள்ளன. ரூ.1 கோடியில் 12 கி.மீ. தொலைவுக்கு தூா்வாரப்படுகிறது. ஆற்று வெள்ளம் வருவதற்கு இடையூறாகவுள்ள ஆகாயத் தாமரைச் செடிகள்,நாணல்கள் அனைத்தும் அகற்றப்பட்டு வெள்ளம் தடையின்றி செல்ல வழி ஏற்படுத்தப்படும் என்றாா்.
விழாவில் காஞ்சிபுரம் மாநகராட்சி மாமன்ற மண்டலக் குழு தலைவா்கள், உறுப்பினா்கள், நீா்வளத்துறை அதிகாரிகள் கலந்து கொண்டனா்.
