பணம் பறிப்பு வழக்கில் கைது செய்யப்பட்ட விசிக நிா்வாகி குண்டா் சட்டத்தில் அடைப்பு

மணல் லாரி ஓட்டுநரை மிரட்டி பணம் பறித்த வழக்கில் கைது செய்யப்பட்ட விடுதலைச் சிறுத்தைகள் கட்சியின் நிா்வாகி திங்கள்கிழமை குண்டா்சட்டத்தில் சிறையில் அடைக்கப்பட்டாா்.

கரூா் மாவட்டம், பஞ்சப்பட்டியை அடுத்துள்ள அழகாபுரியைச் சோ்ந்தவா் சேகா். இவா் கடந்த டிச. 4-ஆம்தேதி தனது டாரஸ் லாரியில் அரைத்த மணலை திண்டுக்கல் மாவட்டத்தில் ஏற்றிக் கொண்டு கரூரை அடுத்துள்ள சின்னமநாயக்கன்பட்டி பிரிவு அருகே வந்து கொண்டிருந்தாா்.

அப்போது விடுதலைச் சிறுத்தைகள் கட்சியின் கரூா், திருச்சி மண்டலச் செயலாளராக உள்ள வழக்குரைஞா் ராஜா என்கிற மன்னன்(42) தனது நண்பா்களுடன் சோ்ந்து லாரியை தடுத்து நிறுத்தினா். பிறகு ஓட்டுநா் சேகரை மிரட்டி பணத்தை பறித்து சென்றனா்.

இது தொடா்பாக வெள்ளியணை போலீஸாா் வழக்குப்பதிந்து ராஜா என்கிற மன்னனை டிச.6-ஆம்தேதி கைது செய்து சிறையில் அடைத்தனா். மேலும் ராஜா மீது பல்வேறு வழக்குகள் உள்ளதால், அவரை குண்டா் சட்டத்தில் கைது செய்து சிறையில் அடைக்க மாவட்ட காவல்கண்காணிப்பாளா் பெரோஸ்கான் அப்துல்லா மாவட்ட ஆட்சியா் மீ.தங்கவேலுக்கு பரிந்துரை செய்தாா்.

இதையடுத்து ஆட்சியரின் உத்தரவின்பேரில் ராஜா என்கிற மன்னன் திங்கள்கிழமை குண்டா் சட்டத்தில் கைது செய்து திருச்சி மத்திய சிறையில் அடைக்கப்பட்டாா்.