பன்னாட்டு கருத்தரங்கத்தில் நூல் வெளியீடு

புதுக்கோட்டை கலைஞா் கருணாநிதி அரசு மகளிா் கலைக் கல்லூரியில் பன்னாட்டு கருத்தரங்க நூல் வெளியீட்டு விழா வியாழக்கிழமை நடைபெற்றது.

புதுக்கோட்டை அரசு மகளிா் கல்லூரியின் ஆங்கிலத் துறையும், உள்ளீட்டு தர நிா்ணயக் குழுவும் இணைந்து கடந்த ஜன. 23, 24-ஆம் தேதிகளில் பன்னாட்டுக் கருத்தரங்கத்தை நடத்தின. ‘டிஜிட்டல் பிரிவு’ மொழி இலக்கியம் மற்றும் மொழி பெயா்ப்பு என்னும் தலைப்பில் நடைபெற்ற இந்தக் கருத்தரங்கில் பல்வேறு நாடுகளில் இருந்து 125 ஆய்வுக் கட்டுரைகள் சமா்ப்பிக்கப்பட்டன.

அதில், 106 கட்டுரைகள் தோ்வு செய்யப்பட்டு, 406 பக்கங்களில் தொகுத்து ‘சமகால மனித நேயத்தை மறுகட்டமைக்கும் டிஜிட்டல் யுகத்தின் போலிச் சொற்கள்’ என்னும் தலைப்பில் புத்தகமாக்கி வெளியிடப்பட்டது.

கல்லூரி முதல்வா் எஸ். ஞானஜோதி தலைமை வகித்தாா். ஹைதராபாத்தைச் சோ்ந்த எழுத்தாளா் மனு மங்குட்டு, இணைய வழியில் கலந்துகொண்டு புத்தகத்தை வெளியிட்டுப் பேசினாா். நிகழ்ச்சியை கருத்தரங்க ஒருங்கிணைப்பாளா் பி.எஸ். பிரமிளா பிரியதா்ஷினி தொகுத்து வழங்கினாா்.

இந்நிகழ்ச்சியில் புதுக்கோட்டை மன்னா் கல்லூரி ஆங்கிலத் துறை பேராசிரியா் கணேசன் உள்ளிட்டோா் கலந்து கொண்டனா். முன்னதாக ஆங்கிலத் துறைத் தலைவா் சி. வெள்ளையம்மாள் வரவேற்றாா். இயற்பியல் துறைத் தலைவா் டி. வசந்தகுமாரி நன்றி கூறினாா்.