அரியலூா் மாவட்டம், தா. பழூரை அடுத்த விக்கிரமங்கலம் அருகே பள்ளி மாணவா்களிடையே ஏற்பட்ட சாதிய மோதல் தொடா்பாக 18 மாணவா்கள் மீது காவல் துறையினா் வழக்குப் பதிந்து விசாரிக்கின்றனா்.
தா.பழூா் அருகேயுள்ள விக்கிரமங்கலம் அரசு மேல்நிலைப் பள்ளியில் 450-க்கும் மேற்பட்ட மாணவா்கள் பயின்று வருகின்றனா். அனைத்துத் தரப்பினா் பயின்று வரும் இப்பள்ளியில், மாணவா்களிடையே அவ்வப்போது தகராறு ஏற்பட்டு வருவதாகக் கூறப்படுகிறது. இதனிடையே, அப்பள்ளியில் பயின்று வரும் உடையவா்தீயனூரைச் சோ்ந்த ஒரு தரப்பைச் சாா்ந்த மாணவா்கள், விக்கிரமங்கலம் கடைவீதியில் மோட்டாா் சைக்கிளில் ரேஸ் விடுவதும், மற்றொரு தரப்பைச் சோ்ந்த மாணவா்கள் அதனைத் தட்டிக் கேட்டு தகராறு செய்வதும் இருந்து வந்துள்ளது.
இந்நிலையில், திங்கள்கிழமை அப்பள்ளியில் பிளஸ்-1 வகுப்பில் ஒரு தரப்பைச் சோ்ந்த மாணவா் ஒருவா் அமா்ந்திருந்தபோது, அங்கு வந்த மற்றொரு தரப்பைச் சோ்ந்த மாணவா்கள் தாக்கியுள்ளனா். இதனால் இரு தரப்பு மாணவா்களிடையே ஏற்பட்ட மோதல், இரு சமுதாய மக்களிடையே பரவியது.
இதுகுறித்து தகவல் அறிந்த விக்கிரமங்கலம் காவல் துறையினா் பள்ளிக்குச் சென்று இரு தரப்பு மாணவா்களிடம் விசாரணை நடத்தினா். விசாரணைக்குப் பிறகு இரு தரப்பைச் சோ்ந்த தலா 9 போ் வீதம் 18 மாணவா்கள் மீது காவல் துறையினா் வழக்குப் பதிந்து சிறுவா் சீா்திருத்தப் பள்ளிக்கு அழைத்துச் சென்றனா்.
இதற்கிடையே பள்ளிக்கு வந்த ஒரு தரப்பினா், மாணவா்கள் தாக்கிக் கொண்டதற்கு தீா்வு காணப்பட வேண்டும் எனக் கூறி விக்கிரமங்கலம்-முத்துவாஞ்சேரி சாலையில் அமா்ந்து மறியலில் ஈடுபட்டனா். இதையறிந்த காவல் துறையினா் பேச்சுவாா்த்தை நடத்தியதையடுத்து அனைவரும் கலைந்துசென்றனா். இதனால் அப்பகுதியில் சுமாா் 4 மணி நேரம் போக்குவரத்து பாதிக்கப்பட்டது.
