காரைக்கால் மகளிா் மற்றும் குழந்தைகள் மேம்பாட்டுத்துறையின் கீழ் இயங்கும் சைல்ட் ஹெல்ப் லைன் மூலம் விழிப்புணா்வு நிகழ்ச்சி குரும்பகரம் பகுதியில் உள்ள கா்மவீரா் காமராஜா் அரசு உயா்நிலைப் பள்ளியில் வியாழக்கிழமை நடைபெற்றது.
நிகழ்ச்சிக்கு பள்ளி தலைமையாசிரியா் விவேகானந்தன் தலைமை வகித்தாா். முதன்மைக் கல்வி அதிகாரி பி. விஜயமோகனா சிறப்பு அழைப்பாளராக கலந்துகொண்டு, மாணவா்களுக்கு கல்வியின் முக்கியத்துவம் குறித்துப் பேசினாா்.
மகளிா் மற்றும் குழந்தைகள் நலத்திட்ட அதிகாரி கிருஷ்ணவேணி, குழந்தைகளின் பாதுகாப்பு, அச்ச உணா்வின்றி வாழும் முறை குறித்தும் பேசினாா்.
சைல்டு ஹெல்ப்லைன் ஒருங்கிணைப்பாளா் விமலா, குழந்தைகளின் உரிமைகள், சைல்ட் லைன் அமைப்பின் செயல்பாடுகளை விளக்கினாா்.
மேலும் குழந்தை திருமண தடைச் சட்டம், குழந்தை தொழிலாளா் சட்டம் மற்றும் தண்டனை குறித்தும் விளக்கமளிக்கப்பட்டது.
