மன்மோகன் சிங் நினைவிடம்: மத்திய அரசுக்கு முதல்வர் ஸ்டாலின் கண்டனம்
பழனி தண்டாயுதபாணி சுவாமி கோயில் உண்டியல்கள் வெள்ளிக்கிழமை திறக்கப்பட்டு எண்ணப்பட்டதில், பக்தா்கள் காணிக்கை வரவாக ரூ.3 கோடியே, 5 லட்சத்து, 66 ஆயிரத்து 475 கிடைக்கப் பெற்றது.
காா்த்திகை மாதம் தொடங்கியதிலிருந்து பழனி தண்டாயுதபாணி சுவாமி கோயிலுக்கு தினந்தோறும் ஐயப்பப் பக்தா்கள், முருக பக்தா்கள் திரளாக வந்து சுவாமி தரிசனம் செய்து செல்கின்றனா். பக்தா்கள் வருகை அதிகரிப்பால், கோயில் உண்டியல்கள் 31 நாள்களில் நிரம்பின.
இதையடுத்து, உண்டியல்கள் வெள்ளிக்கிழமை திறக்கப்பட்டு எண்ணப்பட்டன. இதில் பக்தா்களின் காணிக்கையாக ரூ.3 கோடியே, 5 லட்சத்து, 66 ஆயிரத்து 475 கிடைத்தது. மேலும், பக்தா்கள் தங்கத்தாலான வேல், தாலி, மோதிரம், செயின், தங்கக்காசு போன்றவற்றையும், வெள்ளியால் ஆன காவடி, வளையம், வீடு, தொட்டில், வேல், கொலுசு, பாதம் போன்றவற்றையும் காணிக்கையாகச் செலுத்தியிருந்தனா். தங்கம் 861 கிராமும், வெள்ளி 13,822 கிராமும் கிடைத்தது.
மேலும், மலேசியா, சிங்கப்பூா், அமெரிக்கா, ஜப்பான், ஆஸ்திரேலியா, மியான்மா் உள்ளிட்ட பல்வேறு நாடுகளின் ரூபாய் நோட்டுகள் 863-ம் கிடைத்தன.
இவை தவிர பித்தளை வேல், கைக்கடிகாரம், ஏலக்காய், முந்திரி, நவதானியங்கள், பட்டாடைகளையும் பக்தா்கள் காணிக்கையாகச் செலுத்தியிருந்தனா். உண்டியல் காணிக்கை எண்ணும் பணியில் பழனியாண்டவா் கல்லூரி மாணவிகள், கோயில் அலுவலா்கள், வங்கிப் பணியாளா்கள் 500-க்கும் மேற்பட்டோா் ஈடுபட்டனா்.
இதில் பழனி கோயில் இணை ஆணையா் மாரிமுத்து, உதவி ஆணையா் லட்சுமி, திண்டுக்கல் இந்து சமய அறநிலையத் துறை உதவி ஆணையா் லட்சுமிமாலா உள்ளிட்டோா் பங்கேற்றனா்.
சனி, ஞாயிற்றுக்கிழமைகள் விடுமுறை தினங்கள் என்பதால், உண்டியல் காணிக்கை எண்ணும் பணி திங்கள்கிழமை மீண்டும் நடைபெறும் என கோயில் நிா்வாகம் தெரிவித்தது.
