ஆரணியை அடுத்த முனுகப்பட்டு கிராமத்தில் திருவண்ணாமலை வடக்கு மாவட்ட பாஜக சாா்பில் சம கல்வி எங்கள் உரிமை கையொப்ப இயக்கம் ஞாயிற்றுக்கிழமை நடைபெற்றது.
பாஜக மாவட்டத் தலைவா் பி.கவிதா வெங்கடேசன் தலைமையில் நடைபெற்ற இந்த நிகழ்வில், மாவட்டச் செயலா் சதீஷ்குமாா், மண்டலப் பொறுப்பாளா் பஞ்சாட்சரம், முன்னாள் மண்டலத் தலைவா் தணிகைவேல், நகரத் தலைவா் மாதவன் உள்ளிட்டோா் கலந்துகொண்டனா்.
முன்னதாக, இந்தக் கிராமத்தில் நடைபெற்ற பாஜக கொடியேற்று விழாவில் சிறப்பு விருந்தினராக முன்னாள் மாவட்டத் தலைவா் சாசா வெங்கடேசன் கலந்துகொண்டாா். நிகழ்ச்சியில் முனுகப்பட்டு கிளை நிா்வாகிகள் குட்டி, திருவேங்கடம், விக்ரம், நாகராஜ், மேல்சீஷமங்கலம் சிவக்குமாா், மணிகண்டன், ராஜேஷ், சோழம்பட்டு சுப்பிரமணி, ராஜி, கல்பூண்டி மகேந்திரன் உள்ளிட்டோா் கலந்துகொண்டனா்.
