பாஜக முன்னாள் மாவட்ட தலைவருக்கு மிரட்டல்? நள்ளிரவில் வீட்டின் கதவை தட்டிய மா்ம நபா்கள்!

ஒசூரில் பாஜக முன்னாள் மாவட்ட தலைவரின் வீட்டில் நள்ளிரவில் புகுந்த மா்ம நபா்கள் குறித்து போலீஸாா் விசாரணை செய்து வருகின்றனா்.

ஒசூா் தோ் பேட்டையைச் சோ்ந்தவா் எம்.நாகராஜ் (53). இவா், பாஜக கிருஷ்ணகிரி மேற்கு மாவட்ட முன்னாள் தலைவா். இவரது மனைவி பாா்வதி, ஒசூா் மாநகராட்சி உறுப்பினராக உள்ளாா். இவா்களுக்கு இரண்டு மகன்கள்.

வீட்டில் இவா்கள் தூங்கிக் கொண்டிருந்தபோது, நள்ளிரவில் இருசக்கர வாகனத்தில் வந்த இருவா் வீட்டின் கதவை பலத்த சப்தத்துடன் தட்டியுள்ளனா். பின்னா் முதல்தளத்துக்கு சென்று கதவை பலமாக தட்டியுள்ளனா்.

இந்த சப்தத்தில் எழுந்த நாகராஜிடம், கதவை திறக்க வேண்டாம் என அவரது குடும்பத்தினா் கூறினா். வீட்டின் கதவு திறக்கப்படாததால், வீட்டின் தரைத்தளம் மற்றும் மேல்தளத்தில் 10 நிமிடங்கள் வரை சுற்றிய மா்ம நபா்கள் இருசக்கர வாகனத்தில் திரும்பிச் சென்றனா். இந்த சம்பவத்தால் நாகராஜின் குடும்பத்தினா் அதிா்ச்சியடைந்தனா்.

இதுகுறித்து நாகராஜ் தலைமையில் ஒசூா் மாநகர காவல் நிலையத்தில் புகாா் அளிக்க நூற்றுக்கணக்கான பாஜகவினா் குவிந்தனா். பின்னா் அவா்கள் காவல் நிலையத்துக்குள் சென்று சிசிடிவி கேமரா பதிவுகளை கொடுத்து, மா்ம நபா்கள் குறித்து விசாரணை மேற்கொண்டு உரிய நடவடிக்கை எடுக்க வேண்டும் என புகாா் அளித்தனா்.

இந்த புகாரின் பேரில், ஒசூா் போலீஸாா் தீவிர விசாரணை நடத்தி வருகின்றனா்.