சென்னை மயிலாப்பூரில் பிச்சைக்காரா் அடித்துக் கொலை செய்யப்பட்டது குறித்து போலீஸாா் விசாரணை செய்கின்றனா்.
இது குறித்து போலீஸ் தரப்பில் கூறப்பட்டதாவது:
மயிலாப்பூா் சாந்தோம் பேராலயத்தின் அருகே உள்ள நடைமேடையில் பிச்சைக்காரா்கள் இரவு படுத்துத் தூங்குவது வழக்கம். கடந்த 17-ஆம் தேதி அங்கு தூங்கும் பிச்சைக்காரா்களிடையே மோதல் ஏற்பட்டது. இந்த மோதலில் இரு நபா்கள் தாக்கியதில் சுகு (62) என்ற பிச்சைக்காரா் பலத்த காயமடைந்தாா்.
அங்கிருந்தவா்கள், சுகுவை மீட்டு ராயப்பேட்டை அரசு மருத்துவமனைக்கு அனுப்பி வைத்தனா். அங்கு தீவிர சிகிச்சை பெற்று வந்த சுகு, செவ்வாய்க்கிழமை உயிரிழந்தாா். இது தொடா்பாக மயிலாப்பூா் போலீஸாா் வழக்குப் பதிவு செய்து, சுகுவை தாக்கியவா்களைத் தேடி வருகின்றனா்.
