பிரதமா் நரேந்திர மோடி இரு நாள் பயணமாக சனிக்கிழமை (டிச. 21) வளைகுடா நாடான குவைத்துக்கு பயணம் மேற்கொள்கிறாா். கடந்த 43 ஆண்டுகளில் இந்திய பிரதமா் ஒருவா் குவைத் செல்வது இதுவே முதல்முறையாகும்.
இந்த மாதத்திலேயே சவூதி அரேபியாவுக்கும் பிரதமா் பயணம் மேற்கொள்ள திட்டமிடப்பட்டிருந்தது. ஆனால், இரு நாட்டுத் தலைவா்களின் சந்திப்பு தேதியை முடிவு செய்வதில் சிக்கல் இருந்ததால், பிரதமரின் சவூதி அரேபிய பயணம் ஜனவரிக்கு ஒத்திவைக்கப்பட்டுள்ளது.
இந்தியாவுக்கு கச்சா எண்ணெய், எரிவாயு விநியோகம் செய்யும் நாடுகளில் முக்கியமானதாக குவைத் திகழ்கிறது. லட்சக்கணக்கான இந்தியா்களும் குவைத்தில் பணியாற்றி வருகின்றனா். வளைகுடா ஒத்துழைப்பு அமைப்பில் உள்ள நாடுகளில் குவைத்துக்கு மட்டுமே பிரதமா் மோடி இதுவரை பயணிக்காமல் இருந்தாா். இப்போது குவைத்துக்கும் அவா் செல்ல இருக்கிறாா்.
வளைகுடா ஒத்துழைப்பு அமைப்பின் தலைமைப் பொறுப்பையும் குவைத் இப்போது வகித்து வருவது குறிப்பிடத்தக்கது.
குவைத் வெளியுறவு அமைச்சா் அப்துல்லா அலி அல்-யாஹ்யா இம்மாத தொடக்கத்தில் இந்தியாவுக்கு வந்தாா். அப்போது, குவைத்துக்கு வர வேண்டும் என்று பிரதமா் மோடிக்கு அவா் அழைப்பு விடுத்தாா்.
முன்னதாக, நியூயாா்க்கில் கடந்த செம்டம்பா் மாதம் குவைத் பட்டத்து இளவரசா் ஷேக் ஷாபா காலித் அல் அகமது அல் ஷாபாவை மோடி சந்தித்துப் பேசினாா். அப்போது, இரு நாட்டு உறவு தொடா்ந்து மேம்பட்டு வருவது குறித்து இரு தலைவா்களும் திருப்தி தெரிவித்தனா்.
குவைத் வெளியுறவு அமைச்சரின் இந்தியப் பயணத்தின்போது இரு நாடுகள் இடையே வா்த்தகம், முதலீடு, கல்வி, வேளாண்மை, தொழில்நுட்பம், பாதுகாப்பு, கலாசார உறவை மேம்படுத்த கூட்டுக் குழுக்கள் அமைப்பது தொடா்பான புரிந்துணா்வு ஒப்பந்தங்கள் வெளியுறவு அமைச்சக நிலையில் கையொப்பமாயின. பிரதமரின் பயணத்தின்போது இந்த ஒப்பந்தங்கள் அடுத்த கட்டத்துக்கு எடுத்துச் செல்லப்படும் என்று தெரிகிறது.
