பிளஸ் 1 பொதுத்தோ்வு முடிவு: அரியலூா் மாவட்டம் மாநிலத்தில் முதலிடம்

பிளஸ் 1 பொதுத் தோ்வில் அரியலூா் மாவட்டம் 97.76 சதவீதம் பெற்று மாநில அளவில் முதலிடத்தை பிடித்துள்ளது.

மாவட்டத்தில், 93 பள்ளிகளைச் சோ்ந்த 4,357 மாணவா்கள், 4,311 மாணவிகள் என மொத்தம் 8,668 போ் பிளஸ் 1 தோ்வு எழுதினா். வெள்ளிக்கிழமை தோ்வு முடிவுகள் வெளியாகின. இதில், 4,209 மாணவா்கள், 4,265 மாணவிகள் என 8,474 போ் தோ்ச்சி பெற்றுள்ளனா். தோ்ச்சியில் 97.76 சதவீதம் பெற்று, மாநில அளவில் அரியலூா் மாவட்டம் முதலிடத்தை இடத்தை பிடித்துள்ளது.

ஏற்கெனவே பிளஸ் 2 பொதுத் தோ்வில் மாநில அளவில் முதலிடத்தையும், 10-ஆம் வகுப்பில் மாநில அளவில் 8-ஆவது இடத்தையும் அரியலூா் மாவட்டம் பிடித்துள்ளது என்பது குறிப்பிடத்தக்கது.

31 அரசுப் பள்ளிகள் சதம்: 56 அரசுப் பள்ளிகளில் 31 பள்ளிகள் 100 சதவீதம் தோ்ச்சிப் பெற்றுள்ளன. 56 அரசுப் பள்ளிகளில் இருந்து 2605 மாணவா்கள், 2296 மாணவிகள் என 4,901 மாணவ மாணவிகள் தோ்வு எழுதினா்.இவா்களில் 2,497 மாணவா்கள், 2,254 மாணவிகள் என மொத்தம் 4,751 போ் தோ்ச்சி பெற்றுள்ளனா். இதில் மாணவா்கள் 95.85 சதவீதமும் 98.17 சதவீதம் மாணவிகளும் தோ்ச்சி பெற்றுள்ளனா்.

கடந்தாண்டு வெளியான பிளஸ்1 பொதுத்தோ்வு முடிவில் அரியலூா் மாவட்டம் 94.96 சதவீதம் தோ்ச்சிப் பெற்று மாநிலத்தில் 5-ஆவது இடம் பிடித்திருந்தது குறிப்பிடத்தக்கது.