How Volkswagen Taigun Performed Across Terrains? Mumbai to Mahabaleshwar Drive E...
வெள்ளித்திருப்பூா் அருகே புடவை வியாபாரி கொலை வழக்கில் பள்ளி மாணவன் உள்பட 3 பேரை போலீஸாா் சனிக்கிழமை கைது செய்தனா்.
ஒலகடம் குலாலா் வீதியைச் சோ்ந்தவா் செல்வராஜ் (70). திருமணமாகாத இவா் கடந்த 10 ஆண்டுகளுக்கும் மேலாக புதுதில்லியில் புடவை வியாபாரம் செய்து வந்தாா். இந்நிலையில், கடந்த 15 நாள்களுக்கு முன்பு சொந்த ஊருக்கு வந்த இவா், வீட்டில் மா்மமான முறையில் கடந்த 24-ஆம் தேதி உயிரிழந்து கிடந்தாா்.
சம்பவ இடத்துக்கு வந்த போலீஸாா், சடலத்தை மீட்டு உடற்கூறாய்வுக்காக அரசு மருத்துவமனைக்கு அனுப்பிவைத்தனா். கூறாய்வில், செல்வராஜ் கழுத்து நெரிக்கப்பட்டு கொலை செய்தது தெரியவந்தது.
இதைத் தொடா்ந்து, ஒலகடம் பகுதியில் உள்ள கண்காணிப்பு கேமரா பதிவுகளைக் கைப்பற்றி போலீஸாா் ஆய்வு மேற்கொண்டதில், குருவரெட்டியூா், மேட்டுப்பாளையம் காலனியைச் சோ்ந்த அசோக்குமாா் (25), பெரியாா் நகரைச் சோ்ந்த திலீப் (20), அதே பகுதியைச் சோ்ந்த 10-ஆம் வகுப்பு படிக்கும் மாணவன் ஆகியோருக்கு தொடா்பு இருப்பது தெரிந்தது.
இதையடுத்து, 3 பேரையும் பிடித்து போலீஸாா் விசாரணை நடத்தினா். இதில், செல்வராஜ் வீட்டில் நகை, பணத்தை மூவரும் திருட முயன்றதை அவா் பாா்த்ததும், அதனால் கழுத்தை நெரித்து கொலை செய்ததும் தெரியவந்தது. 3 பேரையும் கைது செய்த போலீஸாா், அவா்களிடமிருந்த 8 பவுன் நகைகளை பறிமுதல் செய்தனா்.
