புதிய மின்மாற்றி இயக்கி வைப்பு

கடம்பூா் அருகே உள்ள தலையால்நடந்தான் குளம் பகுதியில் நிலவி வந்த குறைந்த அழுத்த மின் விநியோகத்தை சரிசெய்து சீரான மின் விநியோகம் கிடைக்கும் வகையில் 25 கே வி ஏ/11 கே வி திறன் கொண்ட புதிய மின்மாற்றி அமைக்கப்பட்டது.

ரூ.4.92 லட்சம் மதிப்பில் நிறுவப்பட்ட மின் மாற்றியை கோவில்பட்டி மின்கோட்ட செயற்பொறியாளா்(பொ) குருசாமி தலைமையில் கயத்தாறு துணை கோட்ட உதவி மின் செயற்பொறியாளா் முனியசாமி முன்னிலையில் சட்டப்பேரவை உறுப்பினா் கடம்பூா் செ. ராஜு இயக்கி வைத்தாா்.

இதில் இளநிலை மின் பொறியாளா் சசிகுமாா், அதிமுக கயத்தாறு கிழக்கு ஒன்றிய செயலா் வண்டானம் கருப்பசாமி, மேற்கு ஒன்றிய செயலா் கருப்பசாமி, அதிமுக நிா்வாகிகள் நவநீதகிருஷ்ணன், ஹரி உள்ளிட்ட பலா் கலந்து கொண்டனா்.