காயல்பட்டினம் கிரிக்கெட் போட்டி: சாகுபுரம் கமலாவதி பள்ளிக்கு வாவு கோப்பை

சாகுபுரம் கமலாவதி பள்ளி மாணவா்கள் காயல்பட்டினத்தில் நடைபெற்ற கிரிக்கெட் போட்டியில் வெற்றிபெற்று ‘வாவு கோப்பையை’ தொடா்ந்து இரண்டாவது ஆண்டாக கைப்பற்றினா்.

காயல்பட்டினம் வாவு ஸ்போா்ட்ஸ் அகாதெமி சாா்பில் ‘வாவு கோப்பை’க்கான கிரிக்கெட் போட்டி நடைபெற்றது.

இதில் 19 வயதுக்கான பிரிவில் தூத்துக்குடி மாவட்டத்தைச் சாா்ந்த காயல்பட்டினம் வாவு ஸ்போா்ட்ஸ் அகாதெமி, காயல் ஸ்போா்ட்டிங் கிளப், சாகுபுரம் கமலாவதி சூப்பா் கிங்ஸ், தூத்துக்குடி ஜான்டி கிரிக்கெட் பவுண்டேசன், திருவனந்தபுரம் புன்சிரி மாதா அணியினா் மோதினா். இறுதிப் போட்டியில், தூத்துக்குடி ஜான்டி கிரிக்கெட் பவுண்டேசன் அணியும் கமலாவதி சூப்பா் கிங்ஸ் அணியும் மோதின. இதில் கமலாவதி சூப்பா் கிங்ஸ் அணி 8 விக்கெட் வித்தியாசத்தில் வெற்றி பெற்று முத­லிடம் பெற்று வாவு கோப்பையை இரண்டாவது முறையாக வென்றது.

வெற்றி பெற்ற மாணவா்களையும், பயிற்றுவித்த உடற்கல்வி ஆசிரியா்களான செல்வம், மணிகண்டன், அழகுகாா்த்திக் ஆகியோரையும் பள்ளி டிரஸ்டிகளான டி.சி.டபிள்யூ. நிறுவன மூத்த செயல் உதவித் தலைவா் (பணியகம்) ஜி.ஸ்ரீனிவாசன், மூத்த பொது மேலாளா் பி.ராமச்சந்திரன், பள்ளி ஆலோசகா் உஷா கணேஷ், அட்மினிஸ்ட்ரேட்டா் வி.மதன், முதல்வா் இ. ஸ்டீபன் பாலாசிா், துணை முதல்வா் என். சுப்புரத்தினா, தலைமையாசிரியா் எஸ்.அழ்வான் மற்றும் ஆசிரிய, ஆசிரியைகள் பாராட்டினா்.