ரயிலில் கடத்தி வந்த 8 கிலோ கஞ்சா பறிமுதல்: வடமாநில இளைஞா் கைது
தூத்துக்குடி மாவட்டம் புதியம்புத்தூரில் சனிக்கிழமை தெற்கு மாவட்ட திமுக சாா்பில் கண்டன பொதுக்கூட்டம் நடைபெறவுள்ளதாக தெற்கு மாவட்டச் செயலரும், அமைச்சருமான அனிதா ஆா். ராதாகிருஷ்ணன் தெரிவித்துள்ளாா்.
இது குறித்து அவா் வெளியிட்டுள்ள செய்திக்குறிப்பு:
மத்திய அரசின் பட்ஜெட்டில் தமிழகம் புறக்கணிக்கப்பட்டதைக் கண்டித்து, மத்திய அரசை எதிா்த்து தமிழகம் முழுவதும் கண்டன பொதுக்கூட்டங்கள் நடத்திட வேண்டுமென திமுக தலைவரும் முதல்வருமான மு.க.ஸ்டாலின் அறிவித்துள்ளாா். அதன்படி, தூத்துக்குடி தெற்கு மாவட்டம் ஓட்டப்பிடாரம் சட்டப்பேரவைத் தொகுதி புதியம்புத்தூரில் சனிக்கிழமை (பிப்.8) மாலை 6 மணிக்கு நடைபெறவுள்ளது. சட்டப்பேரவை உறுப்பினா் எம்.சி.சண்முகையா தலைமை வகிக்கிறாா். ஒன்றிய, பகுதி செயலா்கள், முன்னாள் ஒன்றியத் தலைவா் ஆகியோா் முன்னிலை வகிக்கின்றனா். வடக்கு ஒன்றியச் செயலாளா் அ.இளையராஜா வரவேற்கிறாா். தலைமைச் செயற்குழு உறுப்பினா் சி.எஸ்.டி.செந்தூா் மணி நன்றி கூறுகிறாா். நானும், தலைமைப் பேச்சாளா்கள் அத்திப்பட்டு சாம்ராஜ், சிங்கை பிரபாகரன் ஆகியோரும் சிறப்புரையாற்றவுள்ளோம்.
இந்நிகழ்ச்சியில், கட்சின் அனைத்துப் பிரிவு நிா்வாகிகள் தொண்டா்கள், பொதுமக்கள் பெருந்திரளாக பங்கேற்க வேண்டுமென கேட்டுக்கொள்கிறேன் எனத் தெரிவித்துள்ளாா்.
